ខ្មែរប៉ុស្ដិ៍ Close

Obama មិនចង់ប្រកួតប្រជែងធ្វើជាប្រធានាធិបតីកេនយ៉ាទេ

ដោយ៖ លី វិទ្យា ​​ | ថ្ងៃចន្ទ ទី២០ ខែមករា ឆ្នាំ២០២០ ព័ត៌មានទូទៅ 1437

អត្ថបទដែលបានចុះថា អតីតមេដឹកនាំអាមេរិកលោក Barack Obama គ្រោងនឹងឈរឈ្មោះជាប្រធានាធិបតីនៅប្រទេសកេនយ៉ា ដែលជាប្រទេសកំណើតឪពុករបស់លោក ត្រូវបានចែករំលែករាប់សិបពាន់ដង ដោយអ្នកប្រើប្រាស់មួយចំនួន។ ទីភ្នាក់ងារ AFP មិនបានរកឃើញភ័ស្តុតាងណាមួយដែលបញ្ជាក់ថា លោក Obama បានប្រកាសបែបនេះទេ។

រឿងនេះដំបូងឡើយ ត្រូវបានចេញផ្សាយនៅថ្ងៃទី14 ខែមករា ឆ្នាំ2020 នៅលើគេហទំព័រ World News Daily Report ដែលដាក់ចំណងជើងថា «Barack Obama ប្រកាសពីបំណងឈរឈ្មោះជាប្រធានាធិបតីនៃប្រទេសកេនយ៉ានៅឆ្នាំ2021» និងរូបភាពរបស់គាត់ឈរនៅកណ្តាលហ្វូងមនុស្សជនជាតិអាហ្រ្វិកមួយជាមួយនិងឧឃោសនសព្ទ។

វេបសាយនេះក៏បានបញ្ជាក់ការបដិសេដផងដែរថា «WNDR សូមធ្វើការសន្មត់…រាល់ការទទួលខុសត្រូវនៃភាពត្លុកកំប្លែងនៃអត្ថបទ និងភាពប្រឌិតនៃខ្លឹមសារ។ តួអង្គទាំងអស់ដែលលេចចេញនៅក្នុងអត្ថបទនៅក្នុងគេហទំព័រនេះ បើទោះបីជាមនុស្សពិត គឺជាការប្រឌិតទាំងស្រុង ហើយភាពដូចគ្នារវាងពួកគេ និងមនុស្សណាមួយ កំពុងមានជីវិត ឬស្លាប់ គឺជាអព្ភូតហេតុមួយ»

ការស្រាវជ្រាវលើគេហទំព័រ Crowdtangle ដែលជាគេហទំព័រវិភាគប្រព័ន្ធផ្សព្វផ្សាយសង្គមបានបង្ហាញថា រឿងរ៉ាវនេះត្រូវបានចែកចាយនៅក្នុងបណ្តាញសង្គមហ្វេសប៊ុកជាច្រើនភ្លាមៗ បន្ទាប់ពីវាត្រូវបានផ្សាយដំបូង។

ខណៈពេលដែលការបង្ហោះរឿងជាច្រើនបានបញ្ជាក់យ៉ាងច្បាស់នៅក្នុងការចែកចាយរបស់ពួកគេថានេះជាត្លុកកំប្លែង (satire) តែអ្នកផ្សេងទៀតហាក់ដូចជាចែកចាយវាដោយចាត់ទុកវាជាព័ត៌មានពិត។

រឿងរ៉ាវនេះត្រូវបានចាត់ទុកថាជាការពិត ដោយគណនីព័ត៌មានតាមអុីនធើណេតជាច្រើន រួមមាន Naija Network News ដែលមានអ្នកតាមដានជាង 34,000នាក់។

តើគេបានរូបថតរបស់អូបាម៉ាដែលនិយាយនៅក្នុងចំណោមមនុស្សជាមួយនិងឧឃោសនសព្ទនោះមកពីណា?

រូបភាពរបស់ WNDR ដែលបង្ហាញថា លោក Obama កំពុងនិយាយទៅកាន់ហ្វូងមនុស្ស ត្រូវបានថតនៅក្នុងឆ្នាំ2006 នៅពេលដែលលោកបានធ្វើទស្សនកិច្ចនៅប្រទេសកេនយ៉ា ក្នុងនាមជាសមាជិកព្រឹទ្ធសភាអាមេរិក។ ប្រធានាធិបតីស្បែកខ្មៅដំបូងបង្អស់របស់សហរដ្ឋអាមេរិកមិនបានប្រកាសអំពីបំណងរបស់លោកក្នុងការឈរឈ្មោះនោះទេ។

តើលោកអូបាម៉ានឹងអាចឈរឈ្មោះប្រកួតប្រជែងតំណែងប្រធានាធិបតីនៅប្រទេសកេនយ៉ាបានដែរឬទេ?

យោងទៅតាមច្បាប់របស់ប្រទេសកេនយ៉ា មនុស្សម្នាក់មានលក្ខណៈគ្រប់គ្រាន់ដើម្បីឈរឈ្មោះជាប្រធានាធិបតីបាន ដរាបណាពួកគេជាពលរដ្ឋដែលកើតនៅកេនយ៉ា ហើយមិនមានសញ្ជាតិពីរ។ ដោយលោក Obama បានកើតនៅរដ្ឋហាវ៉ៃ និងជាជនជាតិអាមេរិកផងនោះ លោកនឹងមិនអាចឈរឈ្មោះបានទេ។

ប៉ុន្មានឆ្នាំមុនពេលឡើងកាន់តំណែង ប្រធានាធិបតីអាមេរិកបច្ចុប្បន្នគឺលោក Donald Trump បានផ្សព្វផ្សាយពីរឿងមិនពិតមួយដែលថា លោក Obama មិនបានកើតនៅសហរដ្ឋអាមេរិកទេ គឺកើតនៅប្រទេសកេនយ៉ា ដែលជាប្រទេសកំណើតរបស់ឪពុករបស់លោក។

លោក Trump បានបង្ហាញការសង្ស័យម្តងហើយម្តងទៀតថា តើលោកអូបាម៉ាជាពលរដ្ឋអាមេរិក ដែលមានដើមកំណើតពីកំណើត ដែលមានលក្ខណៈគ្រប់គ្រាន់ដើម្បីធ្វើជាប្រមុខរដ្ឋដែរឬទេ។ លោក Trump បានទទួលស្គាល់យ៉ាងច្បាស់នៅចុងយុទ្ធនាការប្រធានាធិបតីអាមេរិកឆ្នាំ2016 របស់លោកថា លោក Obama បានកើតនៅសហរដ្ឋអាមេរិក។

AFP

អត្ថបទទាក់ទង