រថភ្លើងត្រូវបានបើកចូលព្រលានយន្តហោះភ្នំពេញ ជាលើកដំបូង
រថភ្លើងត្រូវបានបើកចូលព្រលានយន្តហោះភ្នំពេញ ជាលើកដំបូង
ក្រសួងសាធារណការ និងដឹកជញ្ជូន បានបញ្ជាក់ថា នៅថ្ងៃទី០១ ខែមេសា ឆ្នាំ២០១៨ វេលាម៉ោង ២ និង៤៥នាទីរសៀល គឺជាពេលវេលាដំបូងបង្អស់ដែលរថភ្លើងត្រូវបានបើកចូលទៅកាន់ស្ថានីយដែលទើបសាងសង់ថ្មី នៅអាកាសយានដ្ឋានអន្តរជាតិភ្នំពេញ។ ការសាកល្បងនេះ គឺធ្វើដំណើរចេញពីចំណុចមុខវត្តតាំងក្រសាំង។
សូមបញ្ជាក់ថា ផ្លូវដែកដែលត្រូវបានសាងសង់ថ្មីនេះមានប្រវែងប្រមាណ ១៦០០ម៉ែត្រ តភ្ជាប់ពីផ្លូវដែកស្ថានីយភ្នំពេញដែលមានស្រាប់ ត្រង់វត្តតាំងក្រសាំង។ ការធ្វើដំណើរពីស្ថានីយភ្នំពេញ ទៅកាន់ព្រលានយន្តហោះ នឹងត្រូវដាក់ឲ្យដំណើរការ មុនចូលឆ្នាំខ្មែរ ដោយការធ្វើដំណើរ គឺត្រូវចំណាយពេលប្រមាណជា ២០ ទៅ ២៥នាទី។
នៅចំពោះមុខ ក្រសួងនឹងដាក់ឲ្យដំណើរការរថភ្លើងដឹកអ្នកដំណើរប្រភេទ Tramway ផលិតនៅប្រទេសម៉ិចស៊ីកូ ដែលនឹងដឹកមកដល់ឆាប់ៗនេះ៕
រូបថត៖ ក្រសួងសាធារណការ
ប្រភព៖ ខ្លីៗ
