សភាសម្ព័ន្ឋសហជីពជាតិកម្ពុជា ចេញញាត្តិថ្កោលទោសទណ្ឌិត សម រង្ស៊ី ដែលបានសន្យាកាត់ដី៤ខេត្តឲ្យទៅវៀតណាម
សភាសម្ព័ន្ឋសហជីពជាតិកម្ពុជា ចេញញាត្តិថ្កោលទោសទណ្ឌិត សម រង្ស៊ី ដែលបានសន្យាកាត់ដី៤ខេត្តឲ្យទៅវៀតណាម
នៅមុននេះបន្តិច ថ្នាក់ដឹកនាំ សមាជិកសមាជិកាក្រុមប្រឹក្សាភិបាល និងសមាជិកសមាជិកា នៃសភាសម្ព័ន្ឋសហជីពជាតិកម្ពុជាទាំងអស់ចំនួន ៣៩២០១៨ នាក់ បានចេញញត្តិថ្កោលទោសយ៉ាងដាច់អហង្កការ ចំពោះទង្វើក្បត់ជាតិរបស់ទណ្ឌិត សម រង្ស៊ី ដែលធ្វើដើម្បីតែផលប្រយោជន៍ និងអំណាចនយោបាយបក្សពួករបស់ខ្លួន។ ជាពិសេសបុគ្គលរូបនះ បានប្រព្រឹត្តនូវទង្វើល្មើសច្បាប់ជាច្រើនលើកច្រើនសារ ដោយមិនបានគិតអំពីឧត្តមប្រយោជន៍ជាតិឡើយ។
ខ្លឹមសារញត្តិរបស់សភាសម្ព័ន្ឋសហជីពជាតិកម្ពុជាបានបន្តថា៖
ទង្វើក្បត់ជាតិ និងក្បត់ប្រជាជនថ្មីមួយទៀតដែលទណ្ឌិត សម រង្ស៊ី បានប្រព្រឹត្តដើម្បីបំពេញនូវ មហិច្ជតានយោបាយរបស់ខ្លួន គឺការចុះហត្ថលេខាជាមួយលោក កុក សរ ដែលជាមេចលនាជនជាតិដើមភាគតិច Degar (ម៉ុងតាញ៉ា)វៀតណាម កាលពីថ្ងៃទី១៤ ខែមេសា ឆ្នាំ២០១៣ ដែលក្នុងនោះទណ្ឌិតសម រង្ស៊ី បានសន្យាផ្តល់សិទ្ធិស្វ័យភាព និងកាត់ទឹកដីខេត្តចំនួន៤រួមមាន៖ ខេត្តរតនគិរី ខេត្តមណ្ឌលគិរី ខេត្តក្រចេះ និងខេត្តស្ទឹងត្រែង ឲ្យទៅមេចលនាជនជាតិដើមភាគតិច Degar(ម៉ុងតាញ៉ា)វៀតណាម នៅពេលបក្សសង្គ្រោះជាតិដឹកនាំរាជរដ្ឋាភិបាល។
យោងតាមរយៈកិច្ចសម្ភាសន៍ជាមួយកាសែតភ្នំពេញប៉ុស្តិ៍នៅពេលថ្មីៗនេះ ទណ្ឌិត សម រង្សី បានសារភាពថា ពិតជាបានចុះហត្ថលេខាជាមួយ លោក កុក សរ កាលពីឆ្នាំ២០១៣ ពិតប្រាកដមែន ដែលទង្វើនេះ បានធ្វើឲ្យយើងខ្ញុំទាំងអស់គ្នាមានការព្រួយបារម្មណ៏យ៉ាងខ្លាំង អំពីផលប៉ះពាល់ជាវិជ្ជមាននៃបូរណភាពទឹកដី និង អធិបតីភាពរបស់ប្រទេសកម្ពុជា បើសិនជាទណ្ឌិត សម រង្ស៊ី មានឱកាសដឹកនាំប្រទេសកម្ពុជានៅពេលណាមួយ ។
សភាសម្ព័ន្ឋសហជីពជាតិកម្ពុជា ក៏បានបញ្ជាក់ដែរថា ជាថ្មីម្តងទៀត យើងខ្ញុំទាំអស់គ្នា ជាសមាជិកសមាជិកា សភាសម្ព័ន្ឋសហជីពជាតិកម្ពុជាទាំងអស់ មិនអាចទទួលយកបាននូវបទល្មើសដ៏ធ្ងន់ធ្ងរនេះនិងសូមធ្វើការថ្កោលលទោសយ៉ាងដាច់អហង្គការ ចំពោះទង្វើក្បត់ជាតិរបស់ទណ្ឌិត សម រង្ស៊ី និងសូមអំពាវនាវដល់ស្ថាប័នសមត្ថកិច្ចពាក់ព័ន្ឋ និងស្ថាប័នតុលាការចាត់វិធានការទណ្ឌិត សម រង្ស៊ី ទៅតាមផ្លូវច្បាប់ឲ្យបានធ្ងន់ធ្ងរបំផុត ៕
សូមអានញត្តិរបស់សភាសម្ព័ន្ឋសហជីពជាតិកម្ពុជា ដូចតទៅ៖
