ខ្មែរប៉ុស្ដិ៍ Close

វីដេអូ៖ ពលរដ្ឋមួយក្រុមបានបង្ហាញអំពីទឹកចិត្តរំភើបមុនពេលចេញដំណើរទៅជួបសម្តេច​នាយករដ្ឋមន្ត្រី ហ៊ុន សែន នៅក្នុងទីក្រុងស៊ីដនី

ដោយ៖ សន បទុម ​​ | ថ្ងៃព្រហស្បតិ៍ ទី១៥ ខែមីនា ឆ្នាំ២០១៨ ព័ត៌មានទូទៅ 832

ពលរដ្ឋមួយក្រុមបានបង្ហាញអំពីទឹកចិត្តរំភើបមុនពេលចេញដំណើរទៅជួបសម្តេច​នាយករដ្ឋមន្ត្រីនៅក្នុងទីក្រុងស៊ីដនី ហើយក៏បានប្រឆាំងដាច់ខាតជាមួយនឹងអ្វីដែលបុគ្គល ហុង លីមបានលើកឡើង។ នេះ​បើ​យោង​តាម​ការ​ចុះផ្សាយ​របស់​បណ្តាញ​សង្គម​ហ្វេសប៊ុក​ផេក ពលរដ្ឋ​ខ្មែរ អូស្ត្រាលី ដែល​បាន​បង្ហោះ​ផ្សាយ​មុន​នេះ​បន្តិច។

ពលរដ្ឋ​ខ្មែរនៅ​អូស្រ្តាលីទាំង​នោះ​ បាន​លើក​ឡើង​ថា​៖ ក្នុងនាមជាពលរដ្ឋខ្មែរដែលកំពុងតែរស់នៅក្នុងប្រទេសអូស្ត្រាលី ពលរដ្ឋខ្មែរមួយក្រុមបានបង្ហាញអំពីចំណាប់អារម្មណ៍របស់ពួកគាត់ ដោយនិយាយថាពួកគាត់មានអារម្មណ៍រំភើបជាខ្លាំងនៅពេលដែលបានទៅជួបជាមួយថ្នាក់ដឹកនាំកំពូលរបស់ប្រទេសកម្ពុជា ហើយការចូលរួមរបស់ពួកគាត់គឺគ្មានការបង្ខិតបង្ខំអ្វីឡើយ។ ពួកគាត់មកនេះដោយសារតែទឹកចិត្តស្រលាញ់ចំពោះថ្នាក់ដឹកនាំកំពូលរបស់ប្រទេសកម្ពុជាតែប៉ុណ្ណោះ។ ជាងនេះទៅទៀតពួកគាត់ក៏មិនមែនមកជួបសម្តេចដោយសារតែការជួលជាទឹកប្រាក់៦០០ដុល្លារនោះទេ គឺរាល់ការចំណាយក្នុងការធ្វើដំណើរនេះ ពួកគាត់ជាអ្នកចំណាយដោយខ្លួនឯងទាំងស្រុង។

ឆ្លៀតក្នុងឱកាសនោះដែរ ពួកគាត់ក៏បានលើកឡើងផងដែរទាក់ទងនឹងលោក ហុង លីម ដោយពួកគាត់បានបញ្ជាក់ថា ការលើកឡើងរបស់លោក ហុង លីម គឺជាការគិតរបស់បុគ្គលលោកខ្លួនឯងតែប៉ុណ្ណោះ ដោយ សព្វថ្ងៃគឺគ្មានសង្គ្រាមទេ អត់មានសម្លាប់រង្គាលដូចសម័យប៉ុល ពតទេ ហើយបាននិងកំពុងអភិវឌ្ឍជាប់ជាប្រចាំ។ ដូចនេះពួកគាត់មិនឯកភាពនោះទេចំពោះការប្រៀបប្រដូចសង្គមខ្មែរទៅនឹងរបបតិរច្ឆាននោះទេ៕

សូម​ទស្សនាវីដេអូ៖

អត្ថបទទាក់ទង