លោកនាយករដ្ឋមន្រ្តី ហ៊ុន សែន បញ្ជាក់ថា ដើម្បីទីក្រុងស្អាតត្រូវមានការចូលរួមទាំងអស់គ្នា
លោកនាយករដ្ឋមន្រ្តី ហ៊ុន សែន បញ្ជាក់ថា ដើម្បីទីក្រុងស្អាតត្រូវមានការចូលរួមទាំងអស់គ្នា
លោកនាយករដ្ឋមន្រ្តី ហ៊ុន សែន បានថ្លែងថា ទីក្រុងស្អាត គឺបញ្ហាស្ថិតនៅលើខ្លួនឯង ប្រសិនបើប្រជាពលរដ្ឋខ្មែរទាំងអស់នាំគ្នាចោលសម្រាមរាយប៉ាយគ្រប់ទីកន្លែង មិនដាក់ចូលទៅក្នុងធុងសម្រាមទេនោះ ក៏មិនអាចពឹងលើអ្នកសំអាតតែប៉ុន្មានអ្នកបានដែរ។ លោកបានថ្លែងដូចនេះ នៅព្រឹកថ្ងៃទី២៥ ខែកុម្ភៈ ឆ្នាំ២០១៩ ក្នុងឱកាសអញ្ជើញជាអធិបតីប្រារព្ធពិធីអបអរសាទរ «ទិវាជាតិទីក្រុងស្អាត» លើកទី៧ ក្រោមប្រធានបទ «ទីក្រុងស្អាត៖ ទីក្រុងផ្តល់ភាពកក់ក្តៅ» ដែលប្រព្រឹត្តទៅនៅសណ្ឋាគារសុខាភ្នំពេញ រាជធានីភ្នំពេញ។
លោកនាយករដ្ឋមន្រ្តី ហ៊ុន សែន បានបញ្ជាក់ថា បើចង់បានភូមិស្អាត ឃុំស្អាត ផ្លូវស្អាត ស្ពានស្អាត សាលារៀនស្អាត ត្រូវមានការចូលរួមរក្សាអនាម័យទាំងអស់គ្នា។ លោកបានបន្តថា មានអ្នកខ្លះនិយាយថាទីក្រុងមិនស្អាត ប៉ុន្តែខ្លួនវិញមកពង្រាយសម្រាមរាយប៉ាយពាសវាលពាសកាល៕
