លោកនាយករដ្ឋមន្រ្តី ហ៊ុន សែន ថ្លែងថា វិនិយោគិនមិនអាចមកវិនិយោគលើគ្រាប់មីន គ្រាប់បែកបានឡើយ
លោកនាយករដ្ឋមន្រ្តី ហ៊ុន សែន ថ្លែងថា វិនិយោគិនមិនអាចមកវិនិយោគលើគ្រាប់មីន គ្រាប់បែកបានឡើយលោកនាយករដ្ឋមន្ត្រី ហ៊ុន សែន បានថ្លែងថា វិនិយោគិន គេមិនអាចមកវិនិយោគនៅកម្ពុជាលើគ្រាប់មីន គ្រាប់បែកបានឡើយ ហើយបើគ្មានផ្លូវក៏មិនអាចឱ្យគេមកវិនិយោគកើតនោះដែរ ដូចនេះហើយទើបរាជរដ្ឋាភិបាលខិតខំប្រឹងប្រែងទាក់ទាញវិនិយោគិន ជាមួយនឹងការកសាងហេដ្ឋារចនាសម្ព័ន្ធ និងខិតខំស្វែងរកទីផ្សារនៅខាងក្រៅសម្រាប់ការនាំចេញនូវផលិតផលរបស់យើង។ លោក បានថ្លែងដូចនេះនៅព្រឹកថ្ងៃទី២៨ ខែវិច្ឆិកា ឆ្នាំ២០១៨នេះ ក្នុងឱកាសអញ្ជើញជួបសំណេះសំណាលជាមួយកម្មករ កម្មការិនីសរុបប្រមាណជិត ១ម៉ឺន៨ពាន់នាក់មកពីរោងចក្រ សហគ្រាសចំនួន១២ នៅក្នុងខេត្តកណ្តាល ដែលពិធីនេះធ្វើឡើងនៅភូមិក្រាំងស្បូវ ឃុំព្រះពុទ្ធ ស្រុកកណ្តាលស្ទឹង ខេត្តកណ្តាល។
លោកនាយករដ្ឋមន្រ្តី ហ៊ុន សែន ក៏បានគូសបញ្ជាក់ថា ទំហំនៃការនាំចេញរបស់យើងកាន់តែធំទៅៗដែលពុំធ្លាប់មានកាលពីមុនមក ដែលរហូតមកដល់ពេលនេះទំហំនៃការនាំចេញសរុបរបស់យើងមានប្រមាណជាង១២ពាន់លានដុល្លារសហដ្ឋអាមេរិកដែលនេះអាចចាត់ទុកជាជោគជ័យមួយក្នុងចំណោមជោគជ័យនៃការកសាងប្រទេសឡើងវិញពីភាពខ្ទេចខ្ទាំ៕
