ទំនៀមខ្មែរបុរាណពិធីរៀបព្រះពិស្ណុការ ឬ ពឹសការគ្រូដើម
ទំនៀមខ្មែរបុរាណពិធីរៀបព្រះពិស្ណុការ ឬ ពឹសការគ្រូដើម
ពិស្ណុការ ជាពាក្យដែលបានប្រែមកពីបាលីថាៈ វិស្សកម្ម, សំ. វិឝ្វកម៌ន៑ គឺជានាមនៃទេវតា ដែលមានចំណេះខាងការជាង ជាអ្នកសម្រេចកិច្ចការឲ្យព្រះឥន្ទ ដែលយើងធ្លាប់ហៅថា ព្រះវិស្សកម្មទេវបុត្រ។ ជាងបុរាណមានជំនឿថា ទេវតានោះជាគ្រូធំលើជាងទាំងឡាយ ។ ព្រោះហេតុនោះហើយបានជាគេហៅរណ្តប់ថាជា ទ្រនឹបជាង ឬ ទ្រនឹប (រៀបព្រះពិស្ណុការ) ឯពាក្យសាមញ្ញថា រៀបពឹសការ ។
តទៅនេះយើងនឹងរៀបរាប់ត្រួសៗអំពីពិធីដែលមានតៗពីបុរាណមក ក្នុងការរៀបព្រះពិស្ណុការ ។កាលបើសង់ផ្ទះ គប្បីរៀបគ្រឿងពលិការ ដូចខាងក្រោម៖
រានទេវតា ៣ថ្នាក់មួយ បាយសីប៉ាក់ឆាប ស្លាធម៌១គូ ជម១គូ ទឹកអប់១គូ ទៀន៥ ផ្កា៥ លាជ៥ សំពត់ស និងក្រដាស់មាសក្រដាសប្រាក់។
-សំពត់ជាតី មួយហត្ថបួនជ្រុង គូរជាយន្តក្បាល៤ គូររួចយ័ន្តនោះយកទៅបិទជាប់ទៅនឹងមេដំបូល។ ចំណុចកត់សម្គាល់ គឺសំពត់យ័ន្តនេះខ្លះគេហៅថា សំពត់ព្រះភូមិ ឬ សំពត់ពិស្ណុការ
ការរៀបពិស្ណុការគ្រូដើមនេះ គឺដើម្បីបញ្ជៀសគ្រោះថ្នាក់ផ្សេងៗ ដូចច្នេះពេលប្រមូលសម្ភារៈជាងសព្វហើយ ត្រូវរៀបចំពីធី ។
ឯកសារយោង៖ លំអានទំនៀមខ្មែរបុរាណ
