ចាញ់យប់មិញជាបរាជ័យក្នុងផ្ទះធ្ងន់ធ្ងរមិនធ្លាប់មានរបស់ Mourinho

ដោយ៖ លី វិទ្យា | ថ្ងៃអង្គារ ទី២៨ ខែសីហា ឆ្នាំ២០១៨ កីឡា - សុខភាព 25

Manchester United បានចាញ់ Tottenham Hotspur ៣ទល់នឹង០ក្នុងទឹកដីខ្លួនឯងនៅការប្រកួត Premier League សប្ដាហ៍ទី៣។

២គ្រាប់របស់ Lucas Moura នៅនាទី៥២, ៨៤ និង១គ្រាប់របស់ Harry Kane នៅនាទី៥០គ្រប់គ្រាន់នឹងធ្វើឲ្យក្រុមបិសាចក្រហមបន្តចាញ់២ប្រកួតជាប់គ្នាក្នុងចំណោម៣ប្រកួតបើករដូវកាលថ្មីរបស់ពួកគេ ហើយវាក៏ជាការចាប់ផ្ដើម១០០%របស់ Spurs ដែលឈ្នះ៣ប្រកួតជាប់គ្នាស្មើពិន្ទុជាមួយ Liverpool, Chelsea និង Watford។

សម្រាប់ Mourinho នេះគឺជាលើកដំបូងដែលលោកដឹកនាំក្រុមចាញ់២ប្រកួតក្នុងចំណោម៣ប្រកួតដំបូង ហើយវាក៏ជាការបរាជ័យក្នុងទឹកដីធ្ងន់ធ្ងរបំផុតក្នុងអាជីពអ្នកចាត់ការសញ្ជាតិព័រទុយហ្គាល់រូបនេះដែរ។

ជិត៣០ឆ្នាំហើយដែល United មិនធ្លាប់ចាញ់២ប្រកួតពីការលេង៣ប្រកួតបើករដូវកាល។ លើកចុងក្រោយដែលក្រុមជើងឯក២០សម័យកាលធ្លាប់ភ្លក់រសជាតិបែបនេះគឺកាលពីឆ្នាំ១៩៩២៕

អត្ថបទទាក់ទង៖ Jose Mourinho ឆេះដុំនៅចំពោះមុខអ្នកកាសែតក្រោយការចាញ់ក្នុងដី ៣-០ កាលពីយប់មិញ