ប្រាសាទភ្នំក្អែកពង ជាប្រាសាទដំបូងគេនៅក្នុងខេត្តកំពង់ស្ពឺ
ប្រាសាទភ្នំក្អែកពង ជាប្រាសាទដំបូងគេនៅក្នុងខេត្តកំពង់ស្ពឺ
នៅពេលថ្មីៗនេះ អាជ្ញាធរខេត្តកំពង់ស្ពឺ បានរកឃើញប្រាសាទបុរាណមួយដែលមានរចនាបទដូចទៅនឹងប្រាសាទសំបូរព្រៃគុកនៅក្នុងទឹកដីខេត្តកំពង់ធំដែរ។ ប្រាសាទបុរាណ ដែលសាងសង់ឡើងអំពីឥដ្ឋមួយនេះ ត្រូវបានគេហៅឈ្មោះថា ប្រាសាទភ្នំក្អែកពង ដោយវាមានទីតាំងស្ថិតនៅលើចង្កេះភ្នំក្អែកពង ក្នុងភូមិក្អែកពង ឃុំតាំងស្យា ស្រុកភ្នំស្រួច ខេត្តកំពង់ស្ពឺ។ បើតាមការសិក្សារបស់មន្រ្តីជំនាញផ្នែកបុរាណវិទ្យា បានឲ្យដឹងថា ប្រាសាទភ្នំក្អែកពងនេះត្រូវបានបុព្វបុរសសាងសង់ឡើងប្រហែលជានៅដើមសតវត្យទី៧ ក្នុងរាជ្ជកាលព្រះបាទឥសានវ័រ្មនទី១ (ចន្លោះឆ្នាំ ៦១៦-៦៣៥)។ ហើយចំពោះទ្រង់ទ្រាយនៃប្រាសាទនេះ ត្រូវបានគេឲ្យដឹងថា គឺស្ថិតក្នុងរចនាបទប្រាសាទសំបូរព្រៃគុក។
ដោយសារតែប្រាសាទមួយនេះ ទើបតែត្រូវបានគេប្រទះឃើញ ហេតុដូច្នេះមិនទាន់មានផ្លូវឡើងទៅស្រួលបួលនោះទេ ចំណែកឯតួប្រាសាទវិញគឺមានដើមឈើ និងវល្ល៍ដុះជុំជិត ប៉ុន្តែក្រោយមកត្រូវបានអាជ្ញាធរខេត្តធ្វើការកាប់ឆ្ការ និងរៀបចំបរិវេណនៃប្រាសាទនេះបានសមរម្យខ្លះហើយដែរ។
អត្ថបទដោយ៖ ទី សារឿន
