មកទស្សនាសួនសត្វ Pairi Daiza នៅប្រទេសប៊ែលហ្ស៊ិក ដែលយកតាមលំនាំរចនាបថប្រាសាទបុរាណខ្មែរ

ដោយ៖ ទី និរន្ដ | ថ្ងៃពុធ ទី១៨ ខែកក្កដា ឆ្នាំ២០១៨ វប្បធម៌ & ប្រវត្តិសាស្រ្ដ 53

រូបភាពខាងក្រោមដែលយើងខ្ញុំលើកយកមកបង្ហាញជូននៅពេលនេះ គឺជាសួនសត្វដ៏ធំមួយមានឈ្មោះថា Pairi Daiza ស្ថិតនៅក្នុងប្រទេសប៊ែលហ្ស៊ិក។ សូនសត្វនេះ ត្រូវបានយកតាមលំនាំរចនាបថប្រាសាទបុរាណខ្មែរដ៏ល្បីល្បាញ គឺប្រាសាទអង្គរធំ ឬប្រាសាទបាយ័ន ជាពិសេសរូបព្រហ្មមុខបួនត្រង់ក្លោងទ្វារ គឺដូចគ្នាទៅនឹងខ្លោងទ្វារច្រកចូលអង្គរធំរបស់ខ្មែរយើងមែនទែន។

ប្រាសាទដែលមានរចនាបថខ្មែរមួយនេះ បានកសាងឡើងក្នុងទឹកដីទំហំ ១,៨០០ ម៉ែត្រការ៉េ ដោយមានកំពូលប្រាសាទ ដូចក្លោងទ្វារប្រាសាទបាយ័នចំនួនបី មានឈ្មោះថា “ប្រាសាទខ្លា (Temple des Tigres)” ហើយវាក៏ត្រូវបានចាត់ទុកជា ប្រាសាទដែលមានទំហំធំជាងគេនៅក្នុងសួនកម្សាន្តមួយនេះផងដែរ ដោយវាមានកម្ពស់ដល់ទៅ ២៥ម៉ែត្រ។

បើតាមឯកសារមួយបានរៀបរាប់ថា សំណង់ដែលបានចម្លងតាមប្រាសាទរបស់ខ្មែរក្នុងសួនសត្វ Pairi Daiza ទាំងអស់នេះ គឺគេបានប្រើប្រាស់សិល្បករ និងវិចិត្រករ មកពីប្រទេសចិន ឥណ្ឌូណេស៊ី និងថៃ ជាដើម។

អត្ថបទដោយ ទី សារឿន