សូមសរសើរអ្នកទាំង២ ! ៩ឆ្នាំ ស្រលាញ់គ្នាស្មោះតាំងពីក្មេង ចាំដល់ថ្ងៃរៀបការ ព្រោះពាក្យ ៥ឃ្លា
សូមសរសើរអ្នកទាំង២ ! ៩ឆ្នាំ ស្រលាញ់គ្នាស្មោះតាំងពីក្មេង ចាំដល់ថ្ងៃរៀបការ ព្រោះពាក្យ ៥ឃ្លា
សូមសរសើរអ្នកទាំង២ ! ៩ឆ្នាំ ស្រលាញ់គ្នាស្មោះតាំងពីក្មេង ចាំដល់ថ្ងៃរៀបការ ព្រោះពាក្យ ៥ឃ្លា
ការចាប់ផ្ដើមស្នេហា ជារឿងងាយស្រួលបំផុត ប៉ុន្តែថែរក្សាចំណងស្នេហានោះឲ្យបានជារងរហូត ទើបជារឿងពិបាក។ មនុស្សប៉ុន្មាននាក់ ដែលបានចាប់ផ្ដើមស្នេហាដំបូងដោយជោគជ័យ រហូតឈានដល់ថ្ងៃរៀបការ កសាងគ្រួសារយ៉ាងមានសុភមង្គលនោះ? ពិតជាមិនងាយទេ! ប៉ុន្តែគូស្នេហ៍មួយគូ ដែលស្រលាញ់គ្នាតាំងពីនៅក្មេង ជិតបានសម្រេចក្ដីប្រាថ្នាជាគូជីវិតពេញមុខមាត់ហើយ ប៉ុន្តែពីចាប់ផ្ដើមស្រលាញ់គ្នាតាំងពីឆ្នាំ២០១០។ ការរក្សាចំណងស្នេហ៍បានរហូតដល់ពេលនេះ គឺដោយសារពាក្យ ៥ឃ្លា គឺស្រលាញ់ចេញពីចិត្ត ស្មោះត្រង់ ថែរក្សាខ្លាចបាត់បង់ ការពារដោយខ្វះមិនបាន ពិសេសតែងតែអោយតម្លៃគ្នារហូត។
ម្ចាស់គណនី Facebook ឈ្មោះ So Panha បានបង្ហោះសារដ៏រំភើបចិត្ត ដោយរៀបរាប់ថា៖ « “9ឆ្នាំហើយ ដែរចាំថ្ងៃនេះ” តារា វុធ សុ បញ្ញា តាំងពីមុខម្នាក់ៗនៅក្មេង រហូតដល់លូវចាស់ៗអស់ហើយ។ ឆ្នាំមុនភ្ជាប់ពាក្យ ថ្ងៃនេះពួកយើងចូលរោងហើយ។ ជឿខ្ញុំទៅ គ្មានអ្វីដែរថាទៅពុំរួចឡើយ អោយតែយើងស្រលាញ់ចេញពីចិត្ត ស្មោះត្រង់ ថែរក្សាខ្លាចបាត់បង់ ការពារដោយខ្វះមិនបាន ពិសេសតែងតែអោយតម្លៃគ្នារហូត។
មាន5នេះហើយ កំលាំងចិត្តតស៊ូ 100% នឹងនាំអ្នកទៅរកភាពជោគជ័យអោយទាល់តែបាន មិនថា ជីវិត ស្នេហា រឺការងារឡើយ។ អរគុណអ្នកមានគុណ សំរាប់ការចិញ្ចឹមថែរក្សា ផ្គត់ផ្គង់កូន រហូតអោយកូនដល់កោះដល់ត្រើយ មានថ្ងៃនេះ។ ការស្រលាញ់នេះ ពិតជាមិនអាចកាត់ថ្លៃបានឡើយ។ អ្វីកូនចង់បានតទៀត គឺសូមអោយលោកមានសុខភាពល្អ អាយុវែង នៅជាមួយកូន អោយកូនមើលថែរក្សាសងគុណអោយអស់ពីចិត្តវិញណា។
អរគុណមនុស្សដែរតែងតែស្រលាញ់ តស៊ូ យកចិត្តទុកដាក់ លួងលោមអូនគ្រប់ពេលវេលា ៩ឆ្នាំនេះពិតជាមានន័យណាស់ អោយអូនស្គាល់ច្បាស់អ្វីដែរហៅថា ” ស្នេហ៍ពិត “ អរគុណដែរសន្យាហើយ បងធ្វើបាន Dara Vuth។ (បងជាមនុស្សប្រុសទី១ហើយក៏ជាមនុស្សប្រុសចុងក្រោយ)។ សន្យានឹងនៅក្បែរបង លើកទឹកចិត្តបង ហើយដឹកដៃគ្នា កសាងគ្រួសារមួយដែរប្រកបដោយសុភមង្គល នឹងភាពជោគជ័យរហូតណា។ អរគុណសំរាប់ក្តីស្រលាញ់ ការជូនពរ អបអរសាទរណា ពិតជាសប្បាយចិត្ត នឹងរំភើបណាស់។ សូមជូនពរអ្នកទាំងអស់គ្នា ជួបមនុស្សល្អ ជួបគូពិត មានសុភមង្គល ស្រលាញ់នឹងអោយតម្លៃយើងរហូតណា Dara Vuth»។
តាមពិតទៅ មនុស្សតែងឆ្លងកាត់រឿងរ៉ាវជាច្រើនក្នុងជីវិត ទាំងសប្បាយ និងកើតទុក្ខ ប៉ុន្តែគេចមិនផុតពីដំណាក់កាលទាំង៤ នៃសុភមង្គលក្នុងជីវិត ដែលជាការសប្បាយពិតគ្មានកង្វល់។ បើអ្នកបានយល់ពីអត្ថន័យសុភមង្គលទាំង ៤ដំណាក់កាល ចេះចែកវាបានដាច់ នោះអ្នកនឹងស្គាល់ការសប្បាយ ច្រើនជាងទុក្ខកង្វល់។
១. ក្មេង សប្បាយអត់ខ្វល់ចិត្ត៖ ជឿជាក់ថា មនុស្សគ្រប់រូប សុទ្ធតែស្រមៃចង់វិលទៅរកអតីតកាល ចង់ក្លាយជាក្មេងតូច ដែលរត់លេងសប្បាយអត់មានខ្វល់ខ្វាយក្នុងជីវិត។ ប៉ុន្តែវាមិនអាចត្រលប់ក្រោយ ព្រោះនេះជាដំណាក់កាលចាប់ផ្ដើមនៃជីវិត ដើម្បីឲ្យមនុស្សស្វែងយល់ អ្វីជាការសប្បាយ ដោយជ្រះស្រឡះក្នុងចិត្ត គ្មានខ្វល់រឿងរ៉ាវជីវិត ដើម្បីឲ្យពួកគេចង់រស់នៅបន្តដំណើរទៅមុខ។
នេះហើយ ជាជំហានដំបូងនៃសុភមង្គល ដែលធ្វើឲ្យអ្នកចាប់ផ្ដើមបង្កើតអនុស្សាវរីយ៍មិនអាចបំភ្លេចបាន។ ការចងចាំទាំងនោះហើយ ជាតំណក់ទឹកធ្វើឲ្យជីវិតស្រស់បំព្រង យល់ថាពិភពលោកគួរឲ្យចង់រស់នៅប៉ុណ្ណា។ ទោះក្មេងដែលកើតមក រងការធ្វើបាប រងការគាបសង្កត់កម្លាំងកាយចិត្តយ៉ាងណា ក៏ពួកគេចង់រស់ដែរ ព្រោះពួកគេបានស្គាល់សុភមង្គលនៃជីវិត ចង់ឃើញ និងរង់ចាំអ្វីល្អៗកើតឡើងបន្ទាប់។
២. ដឹងក្ដី រំភើបចិត្តនឹងស្នេហា សប្បាយចិត្តនឹងភាពជោគជ័យ៖ ចាប់ពីអាយុ ១២ឆ្នាំ ពោលគឺចាប់ផ្ដើមឆ្លងផុត ថ្នាក់បឋមសិក្សា មនុស្សជាច្រើនចាប់ផ្ដើមដឹងក្ដី ចេះខ្មាសអៀន លែងធ្វើសកម្មភាពដូចជាក្មេងទៀតហើយ។ ពួកគេនឹងចាប់ផ្ដើមស្វែងរកភាពជោគជ័យលើរឿងគ្រប់យ៉ាង ចង់បានពិន្ទុល្អ ដើម្បីឲ្យគេសរសើរថាពូកែ, ចង់ស្លៀកពាក់ស្អាតបាត ដើម្បីឲ្យគេសរសើរថាសង្ហា, ចង់ប្រើរបស់ល្អ ដើម្បីឲ្យគេមើលឃើញថាឡូយ… រឿងទាំងនេះ បើមិននិយាយចេញមក ក៏គិតក្នុងចិត្តដែរ គ្មាននរណាអាចឆ្លងផុតឡើយ។
ក្រោយមក ពួកគេចាប់ផ្ដើមរំភើបចិត្ត នឹងក្ដីស្រលាញ់ មានអារម្មណ៍ថាហើបផុតពីដីពេលស្រមៃដល់មនុស្សខ្លួនស្រលាញ់ ឬបើបាននៅក្បែរទៀត មិនដឹងថាពិភពលោកមានន័យយ៉ាងណា។ មនុស្សម្នាក់ៗ ឆ្លងកាត់អារម្មណ៍ស្រលាញ់គេ ក្នុងដំណាក់កាលនេះ មិនក្រោម ៥នាក់ឡើយ គ្រាន់តែពេលខ្លះគេដឹង ពេលខ្លះគេមិនដឹង។
មនុស្សដឹងក្ដីឡើង សុទ្ធតែឆ្លងកាត់អារម្មណ៍បែបនេះ ហើយវាក៏ជាសុភមង្គលក្នុងចិត្តពិតៗ ដែលមនុស្សជាច្រើនបានជួបប្រទះ។ នៅវ័យនេះ សប្បាយចិត្តខ្លាំង តែមានពេលខ្លះក៏កើតទុក្ខគិតក្នុងចិត្តតិចៗ ចេះពិបាកចិត្ត នឹងភាពបរាជ័យ ជាពិសេសពិបាកទ្រាំនឹងអារម្មណ៍លួចស្រលាញ់គេ តែវាក៏ជាសុភមង្គលដ៏ចម្លែក ខុសពេលនៅក្មេង ដែលមានតែសប្បាយ។
៣. វ័យកណ្ដាល សប្បាយនឹងជីវិតគ្រួសារ៖ ចូលដល់វ័យនេះ សុភមង្គលមិនមែនលើក្ដីស្រលាញ់ ឬស្នេហាឡើយ គឺសុភមង្គលនឹងការគិតពីអនាគតដ៏វែងឆ្ងាយ។ ចាប់ពីអាយុ ២២ឆ្នាំឡើងទៅ ពោលគឺរៀនចប់បរិញ្ញាបត្រ អារម្មណ៍អ្នកនឹងច្របូកច្របល់ ចាប់ផ្ដើមគិតថា មិនដឹងកសាងគ្រួសារបែបណា មានសុភមង្គល។ តើរៀបការជាមួយមនុស្សដែលស្រស់ស្អាតត្រូវភ្នែក ឬរៀបការជាមួយមនុស្សដែលត្រូវចិត្ត។
ដល់ចំណុចនេះ មនុស្សជាច្រើនចាប់ផ្ដើម Stress នឹងជីវិត ព្រោះតែការគិតអនាគតនេះឯង។ អស់ហើយ ការរំភើបចិត្តនឹងស្នេហាបែបក្មេងវ័យ បែរចាប់ស្រមៃសុភមង្គលពេលរៀបការ ស្រមៃដល់ពេលមានកូន ជុំគ្រួសារ ស្រមៃដល់ពេលជួបជុំគ្នាយ៉ាងមានក្ដីសុខ។ នោះហើយជាសុភមង្គលពិត នៅក្នុងដំណាក់កាលនេះ។
ប៉ុន្តែមនុស្សជាច្រើន ពិបាកឆ្លងផុតដំណាក់កាលនេះណាស់ ព្រោះច្របូកច្របល់ចេញមិនផុតពីដំណាក់កាលទី២។ បើប្រទាក់ក្រឡា នឹងស្នេហា ដោយមិនគិតអនាគត នៅតែរំភើបចិត្តនឹងការស្រលាញ់រហូតងប់ងុល នោះសុភមង្គលនៅដំណាក់កាលទី៣ ប្រាកដជាលាយឡំដោយទឹកភ្នែកជូតក្បាលជង្គង់។
ដើម្បីស្វែងរកសុភមង្គលនៅដំណាក់កាលនេះ គួរចេញឲ្យផុតពីដំណាក់កាលទី២ រួចចាប់ផ្ដើមគិតអនាគត រកមនុស្សត្រូវចិត្ត អាចរួមរស់ជាមួយគ្នាបាន ដោយកុំគិតរំភើបចិត្តចង់បានតែមនុស្សដែលខ្លួនស្រលាញ់ ព្រោះពេលខ្លះសុភមង្គលមិនមែនកើតចេញពីស្នេហាទេ គឺវាកើតចេញពីគ្រួសារដ៏កក់ក្ដៅមួយ។
៤. ចាស់ សប្បាយលើកចុងក្រោយ៖ ធ្លាប់ឮទេ ពាក្យថា សប្បាយផ្ដាំចាស់? នេះហើយជាសុភមង្គលចុងក្រោយនៃជីវិត។ មនុស្សមិនច្រើនទេ ដែលរកសុភមង្គលក្នុងដំណាក់កាលនេះបាន។ ដំណាក់កាលនេះ សុភមង្គលកើតចេញពីខ្លួនឯងផ្ទាល់ កើតចេញពីការគ្រប់គ្រងចិត្តបានល្អ។ កុំប្រកាន់ថាខ្លួនឯងចាស់ កុំទើសភ្នែកជាមួយអ្នកដទៃ ត្រូវសប្បាយដូចពេលនៅក្មេង នោះហើយជាសុភមង្គល។
ប៉ុន្តែមនុស្សចាស់ជាច្រើន ដែលប្រកាន់ចិត្ត ខឹង ទើសភ្នែក មួម៉ៅ ខ្លាចស្លាប់ នាំឲ្យមានតែទុក្ខ រកមិនឃើញភាពសប្បាយ។ ចង់បានសុភមង្គលនៅដំណាក់កាលនេះ ត្រូវប្រែខ្លួនឲ្យដូចជាក្មេង ដែលមិនគិតអ្វីសោះ ស្វែងរកសប្បាយដាក់ខ្លួនប្រកបដោយចិត្តជ្រះថ្លា៕(អត្ថបទប្រែសម្រួល និងសរសេរដោយ Angkor Fresh ហាមលួចចម្លងដោយគ្មានការអនុញ្ញាត)
អត្ថបទ៖ សេង ឆៃយ៉ារ៉ា
ប្រភពអត្ថបទ ANGKORFRESH.COM
