៨ចំនុច របស់មេ Facebook ដែលធ្វើឲ្យបុគ្គលិកគោរពស្រលាញ់ និងចង់ធ្វើការជាមួយ
៨ចំនុច របស់មេ Facebook ដែលធ្វើឲ្យបុគ្គលិកគោរពស្រលាញ់ និងចង់ធ្វើការជាមួយMark Zuckerberg ស្ថិតក្នុងចំណោមស្ថាបនិក ៤ រូប នៅពីក្រោយការបង្កើតបណ្ដាញសង្គមយក្ស Facebook នាឆ្នាំ ២០០៤។ បុរសសញ្ជាតិអាមេរិករូបនេះ បានទទួលការពេញចិត្តនិងស្រលាញ់ពីបណ្ដាបុគ្គលិកប្រមាណ ៩៩ ភាគរយក្នុងក្រុមហ៊ុន ចុះលោកមានតិចនិកនិងគន្លឹះអ្វីខ្លះ?
១.ការមិនប្រកាន់ឋានានុក្រម:
បុគ្គលិក Facebook មួយរូបបានរៀបរាប់ឲ្យដឹងថា៖ “អំឡុងខ្ញុំចូលបម្រើការនៅឆ្នាំ ២០១០ ខ្ញុំកាន់គម្រោងមួយ។ ក្នុងរយៈពេលប៉ុន្មានខែ ត្រូវចូលជួប Zuck ជាញឹកញាប់។ ក្នុងពេលជួបជជែកនោះ ការឆ្លើយតបពីនាយកប្រតិបត្តិក្រុមហ៊ុនលំដាប់កំពូលរូបនេះ ហាក់ពុំបានប្រកាន់នូវបុគ្គលិកមានតួនាទីខ្ពស់ទាបឬបទពិសោធន៍តិចច្រើនវិញឡើយ រាល់ការបញ្ចេញគំនិតផ្សេងៗ”។
២.មិនលាក់បាំងនឹងបុគ្គលិក:
ក្រៅពីមិនប្រកាន់ឋានានុក្រម ក្នុងការិយាល័យរបស់ Zuckerberg មានជញ្ជាំងកញ្ចក់ ខុសពី CEO មួយចំនួនដែលត្រូវការឯកជនភាព ប្លែកអ្វីតែបុរសវ័យ ៣៤ ឆ្នាំរូបនេះ ចង់បង្កើនភាពជិតស្និទ្ធជាមួយបុគ្គលិក ដើម្បីឲ្យអ្នករាល់គ្នាមានអារម្មណ៍ថាស្មើភាពនិងការផ្តល់តម្លៃ។
៣.លោកមានចក្ខុវិស័យច្បាស់លាស់:
មហិច្ឆតានៃឆាកជីវិតរបស់ Zuckerberg គឺចង់ធ្វើឲ្យពិភពលោកមានភាពបើកចំហនិងការតភ្ជាប់គ្នា។ ការប្តេជ្ញាចិត្តនេះក៏គ្មានភាពប្រែប្រួលនោះដែរ ដែលនោះជាផ្នែកធំមួយជំរុញមនុស្សនៅជុំវិញ មានទិសដៅតែមួយដូចលោក។
៤.លោកមានភាពអង់អាច:
សម្តីដែលបុគ្គលិករមែងនិយាយ៖ “តើមានទេដែល CEO ដទៃហ៊ានដាក់ទុន ១៩ ពាន់លានដុល្លារលើក្រុមហ៊ុនបង្កើតសេវាកម្មផ្ញើសារមួយ”។ នេះជាសារបង្ហាញពីភាពអង់អាចរបស់ Mark ដែលហ៊ានចំណាយលុយទិញ WhatsApp ដោយមិនស្ទាក់ស្ទើរចិត្ត ប៉ុន្តែជោគជ័យនៃការសម្រេចចិត្តនេះក៏ត្រូវបានទទួលស្គាល់និងព្រមព្រៀងពីបុគ្គលិករបស់លោកដូចគ្នា។
៥.មិនប្រកាន់រឿងកំប៉ិកកំប៉ុក:
Zuckerberg បង្ហាញការគោរពដល់បុគ្គលិកតាមរយៈសមត្ថភាពនៃការងារ ពុំមែនការតុបតែងខ្លួនឬការរៀបចំតុការិយាល័យនោះឡើយ ដោយសូម្បីលោកផ្ទាល់ជា CEO ក៏ស្លៀកពាក់ត្រឹមខោខោវប៊យនិងអាវយឺតជាឈុតប្រចាំថ្ងៃ។
៦.ការផ្តល់ជូនបរិយាកាសល្អ:
មិនងាយរកបានទេ ចៅហ្វាយនាយដែលផ្តល់ជូនអាហារពេលថ្ងៃត្រង់ឥតគិតថ្លៃនិងបរិយាកាសសម្រាកពីការងារ ពោលគឺការដែលចង់បំបាត់ស្រ្តេសដោយមិនចាំបាច់ដើរចេញពីការិយាល័យ ពុំសុទ្ធសឹងបុគ្គលិករាល់គ្នាអាចទទួលបាននោះទេ។
៧.ការបង្កើនភាពអង់អាចដល់បុគ្គលិក:
បុគ្គលិកបម្រើការនៅ Facebook មានសមត្ថភាពបង្កើតភាពច្នៃប្រឌិតហួសដែនកំណត់ ជាទម្លាប់មួយដែលច្រើនមានក្នុងក្រុមហ៊ុនធំៗដទៃទៀត។ ជាកត្តាដ៏លំបាកមួយ ដែលត្រូវដឹកនាំបុគ្គលិករាប់ពាន់នាក់ ក្នុងការរក្សាកម្រិតសមត្ថភាពឲ្យមានភាពនឹងន ប៉ុន្តែ Zuckerberg អាចជោគជ័យលើវិថីមួយនេះ។
៨.ការប្រាស្រ័យទាក់ទងល្អ:
ការប្តេជ្ញាចិត្តរបស់ Zuckerberg គឺផ្តោតទៅលើការទំនាក់ទំនងប្រកបដោយប្រសិទ្ធភាពនិងទៀងទាត់ ជាទូទៅពិបាកណាស់ប្រសិនអ្នកចង់មានពេលវេលាអាចជួបចៅហ្វាយនាយអំឡុងពេលធ្វើគម្រោងធំណាមួយ ខុសពី Mark រមែងចូលរួមមិនថាការងារធំតូច ជាសញ្ញានៃភាពជាអ្នកដឹកនាំដ៏ជោគជ័យមួយ។
