ខ្មែរប៉ុស្ដិ៍ Close

បញ្ជូនខ្លួនម្ចាស់ Facebook ឈ្មោះ «យមរាជ លោកីយ៍» ទៅសាលាដំបូងខេត្តកំពង់ធំ

ដោយ៖ លី វិទ្យា ​​ | ថ្ងៃអង្គារ ទី១៧ ខែកក្កដា ឆ្នាំ២០១៨ ផ្ទះហ្វេសប៊ុក 1940
បញ្ជូនខ្លួនម្ចាស់ Facebook ឈ្មោះ «យមរាជ លោកីយ៍» ទៅសាលាដំបូងខេត្តកំពង់ធំបញ្ជូនខ្លួនម្ចាស់ Facebook ឈ្មោះ «យមរាជ លោកីយ៍» ទៅសាលាដំបូងខេត្តកំពង់ធំ

កំពង់ធំ៖ នៅថ្ងៃទី១៧ ខែកក្កដា ឆ្នាំ២០១៨នេះ អ្នកនាំពាក្យកងរាជអាវុធហត្ថលើផ្ទៃប្រទេស លោកឧត្តមសេនីយ៍ត្រី អេង ហ៊ី បានឲ្យដឹងថា ជនសង្ស័យដែលជាម្ចាស់គណនី Facebook ឈ្មោះ «យមរាជ លោកីយ៍» មានឈ្មោះពិត សន សំនៀង ត្រូវបានកម្លាំងអាវុធហត្ថខេត្តកំពង់ធំបញ្ជូនទៅសាលាដំបូងខេត្តកំពង់ធំហើយ ដើម្បីចាត់ការតាមនីតិវិធី។

លោក អេង ហ៊ី បានបន្តថា នៅថ្ងៃទី១៨ ខែកក្កដា អាវុធហត្ថនឹងធ្វើសន្និសីទសារព័ត៌មានជុំវិញការចាប់ខ្លួន និងការប្រព្រឹត្តបទល្មើសជនសង្ស័យខាងលើនេះ ហើយចំពោះពេលវេលា និងទីកន្លែងដែលនឹងធ្វើរៀបចំសន្និសីទកាសែតនឹងជម្រាបជូននៅពេលក្រោយ។

សូមជម្រាបថា បុគ្គលឈ្មោះ សន សំនៀង នេះត្រូវបានឃាត់ខ្លួននៅល្ងាចថ្ងៃទី១៥ ខែកក្កដា ឆ្នាំ២០១៨ ដោយកងរាជអាវុធហត្ថខេត្តកំពង់ធំមានការដឹកនាំ និងសម្របសម្រួលដោយតំណាងអយ្យការអមសាលាដំបូងខេត្តកំពង់ធំផងដែរ។

កងរាជអាវុធហត្ថលើផ្ទៃប្រទេស បានចេញសេចក្ដីប្រកាសព័ត៌មានថា ការបង្ហោះព័ត៌មានតាមបណ្តាញសង្គម Facebook គណនីឈ្មោះ «យមរាជ លោកកីយ៍» និងការផ្សព្វផ្សាយតាមប្រព័ន្ធព័ត៌មានមួយចំនួន ដែលជាព័ត៌មានមិនពិតបានធ្វើឲ្យប៉ះពាល់ដល់កិត្តិយសរបស់កងរាជអាវុធហត្ថ។

លោកឧត្តមសេនីយ៍ត្រី បានបន្ថែមថា ឈ្មោះ «យមរាជ លោកកីយ៍» មានឈ្មោះ សន សំនៀង អតីតជានាយទាហានកងរាជអាវុធហត្ថខេត្តកំពង់ធំ ត្រូវលុបឈ្មោះចេញពីក្របខ័ណ្ឌ កងរាជអាវុធហត្ថ ដោយក្រុមប្រឹក្សាវិន័យកងរាជអាវុធហត្ថលើផ្ទៃប្រទេសតាំងពីឆ្នាំ២០១៧។ ការលុបឈ្មោះនេះ ដោយសារបុគ្គលឈ្មោះ សន សំនៀង បានប្រព្រឹត្តខុសឆ្គង ជាបន្តបន្ទាប់ ម្តងហើយម្តងទៀតដូចជា៖ បង្កគ្រោះថ្នាក់ចរាចរបណ្តាលឲ្យមនុស្សស្លាប់នៅនឹងកន្លែង បាញ់បោះសេរី និងបានប្រើហិង្សាលើបងថ្លៃស្ត្រីម្នាក់បណ្តាលឲ្យសន្លប់៕

អត្ថបទទាក់ទង