មជ្ឈមណ្ឌល “សូត្រខ្មែរ” ដំបូងបង្អស់ បង្ហាញខ្លួននៅសាកលវិទ្យាល័យ១នៅភ្នំពេញ
មជ្ឈមណ្ឌល “សូត្រខ្មែរ” ដំបូងបង្អស់ បង្ហាញខ្លួននៅសាកលវិទ្យាល័យ១នៅភ្នំពេញមជ្ឈមណ្ឌលស្រាវជ្រាវ ដង្កូវនាងផលិតសូត្រខ្មែរដំបូងបង្អស់នៅកម្ពុជា គ្រោងនឹងបញ្ចប់ជាស្ថាពរក្នុងពេលឆាប់ៗនេះ។ គម្រោងនេះ បានសាងសង់នៅក្នុងបរិវេណសាកលវិទ្យាល័យភូមិន្ទភ្នំពេញ ក្រោមជំនួយរបស់រដ្ឋាភិបាលជប៉ុនប្រមាណ ៩ម៉ឺនដុល្លារ។
លោកបណ្ឌិត ម៉ី កល្យាណ ជាអ្នកដឹកនាំគម្រោង និងប្រធានក្រុមប្រឹក្សាភិបាលសាកលវិទ្យាល័យភូមិន្ទភ្នំពេញ លើកឡើងថា ការបង្កើតមជ្ឈមណ្ឌលស្រាវជ្រាវនេះ នឹងជួយលើស្ទួយជីវភាពកសិករ ជាពិសេសស្ត្រីខ្មែរកំពុងប្រកបរបរត្បាញសូត្រ ឲ្យឆ្លើយតបនឹងតម្រូវការសូត្រខ្មែរ។
កត្តាម្យ៉ាងទៀត ដោយសារប្រទេសធំៗធ្លាប់ផលិតសូត្រ ដូចជា ជប៉ុន កូរ៉េ ចិន និង ថៃ ជាដើមគេលែងធ្វើហើយ ងាកទៅរកផលិតកម្មផ្សេងដែលចំណេញច្រើនជាងព្រោះតម្លៃពលកម្មខ្ពស់។ វាជាឱកាសសម្រាប់ខ្មែរយើង ដែលត្រូវធ្វើឧស្សាហកម្មនេះឲ្យបាន ព្រោះយើងនៅមានថ្លៃផលិតកម្មទាប។ លោកបណ្ឌិតបន្ថែម។
លោកបណ្ឌិត ថ្លែងប្រាប់អ្នកសារព័ត៌មានថា គម្រោងសាងសង់បានជំនួយធំពីរដ្ឋាភិបាលជប៉ុន ប៉ុន្តែក្នុងនោះក៏មានការចំណាយពីសាកលវិទ្យាល័យផងដែរ។ យើងរំពឹងថា មជ្ឈមណ្ឌលនេះ នឹងចំណែកចូលរួមអភិវឌ្ឍសហគមន៍មូលដ្ឋាន ព្រោះយើងមានធនធានមនុស្សគ្រប់គ្រាន់សម្រាប់ការងារក្នុងខ្សែចង្វាក់ផលិតកម្មសូត្រនេះ យើងមានផ្ទៃដីដាំដើមមនលើ ប្រមាណ១១ ហិកតានៅខេត្តកំពង់ស្ពឺ និងមានរោងសម្រាប់ចិញ្ចឹមដង្កូវនាងដែលទើបចាប់ផ្តើមដំណើរការ។ តែអ្វីដែលសំខាន់ទៀតនោះ គឺយើងត្រូវការចូលរួមពីសហគមន៍មូលដ្ឋានផងដែរ។
@Sabay
