អគ្គនាយកស៊ីម៉ាក់៖ ការចោទប្រកាន់របស់ថៃរឿងគ្រាប់មីន គឺគ្រាន់តែជាលេសនិងឈ្នាន់បង្កការឈ្លានពាននិងធ្វេីសង្គ្រាមជាមួយកម្ពុជាតែប៉ុណ្ណោះ
អគ្គនាយកស៊ីម៉ាក់៖ ការចោទប្រកាន់របស់ថៃរឿងគ្រាប់មីន គឺគ្រាន់តែជាលេសនិងឈ្នាន់បង្កការឈ្លានពាននិងធ្វេីសង្គ្រាមជាមួយកម្ពុជាតែប៉ុណ្ណោះ
យោងតាមការបង្ហោះផ្សាយនៅលើបណ្តាញសង្គមរបស់ឯកឧត្តម ហេង រតនា
ប្រតិភូរាជរដ្ឋាភិបាល ទទួលបន្ទុកជាអគ្គនាយក នៃមជ្ឈមណ្ឌលសកម្មភាពកំចាត់មីនកម្ពុជា ហៅកាត់ថា(CMAC) នៅរសៀលថ្ងៃទី១៨ ខែសីហា ឆ្នាំ២០២៥ ដែលមានខ្លឹមសារទាំងស្រុងថា៖
នៅព្រឹកថ្ងៃទី១៨ ខែសីហា ឆ្នាំ២០២៥ មានរៀបចំសន្និសីទសារព័ត៌មានជាមួយឯកឧត្តម ទេសរដ្ឋមន្ត្រី លី ធុជ អនុប្រធានទី១ អាជ្ញាធរមីន និងខ្ញុំ ជាមួយបងប្អូនអ្នកសារព័ត៌មានជាតិនិងអន្តរជាតិ លេីប្រធានបទកម្ពុជាប្រឆាំងប្រយុទ្ធការប្រេីប្រាស់គ្រាប់មីននិង”កម្ពុជាស្រលាញ់សន្តិភាព”!! សូមអរគុណចំពោះបងប្អូនអ្នកសារព័ត៌មានបានសាកសួរស្វែងរកព័ត៌មានស្តីពីការចោទប្រកាន់របស់ថៃមកលេីកម្ពុជាថា”ប្រេីប្រាស់គ្រាប់មីនPMN-2 ថ្មី ក្នុងទឹកដីថៃ”និងសំណល់យុទ្ធភណ្ឌថៃដែលបានប្រេីប្រាស់មកលេីកម្ពុជា!! ចម្លេីយខ្លីគឺការចោទប្រកាន់នេះគ្រាន់តែជាលេសនិងឈ្នាន់បង្កការឈ្លានពាននិងធ្វេីសង្គ្រាមជាមួយកម្ពុជា! ។
ដោយឡែកចំពោះផលប៉ះពាល់ទាំងចំពោះមុខនិងយូរអង្វែងនៃយុទ្ធភណ្ឌសង្គ្រាមដែលថៃបានប្រេីប្រាស់ឈ្លានពានមកលេីបូរណភាពទឹកដីកម្ពុជារួមមាន៖
១. គ្រាប់បែកទម្លាក់ពីយន្តហោះធន់ធ្ងន់ដូចជាMK-82 និងMK-84 តាមរយ:យន្តហោះF-16និង Gripen
២. គ្រាប់បែកចង្កោមបាញ់ពីគ្រាប់ផ្លោង១៥៥មម ប្រភេទM46និងM84
៣. គ្រាប់ផ្សែងពុលនិងចំហេះ បាញ់តាមយន្តហោះ ដ្រូន និងគ្រាប់កាំភ្លេីងផ្លោង១៥៥មម គ្រាប់ផ្លោងមួយចំនួន មានប្រភេទWhite sposphorus (WP)
៤. គ្រាប់មិនទាន់ផ្ទុះទូទៅ
ផលប៉ះពាល់ទាំងប៉ះពាល់ទៅលេីទីតាំង ភូមិឋានប្រជាជន តំបន់ព្រំដែន និងប្រាសាទទាំងឡាយដូចជាប្រាសាទតាមាន់ ប្រាសាទតាក្របី និងប្រាសាទព្រះវិហារ៕
