សម្តេចតេជោ ហ៊ុន សែន បានបង្ហោះសារនៅលើបណ្តាញសង្គមរបស់សម្តេច ដោយមានខ្លឹមសារថា៖ “ថ្ងៃស្អែកបែកគ្នា!
សម្តេចតេជោ ហ៊ុន សែន បានបង្ហោះសារនៅលើបណ្តាញសង្គមរបស់សម្តេច ដោយមានខ្លឹមសារថា៖ “ថ្ងៃស្អែកបែកគ្នា!
សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា បានបង្ហោះសារនៅលើបណ្តាញសង្គមរបស់សម្តេច នៅរសៀលថ្ងៃទី១ ខែមេសា ឆ្នាំ ២០២៥នេះ ដោយមានខ្លឹមសារថា៖
ថ្ងៃស្អែកបែកគ្នា!
សម្តេចតេជោ បានបញ្ជាក់បន្ថែមថា ៖ខ្ញុំមកប្រចាំការនៅជាមួយបងប្រុសខ្ញុំតាំងពីមុនគាត់ចែកឋានរហូតមកដល់ពេលនេះនិងបន្តរហូតយកទៅបញ្ចុះ នៅព្រឹកស្អែក២ មេសា ២០២៥ព្រមទាំងបញ្ចប់ត្រឹមធ្វើបុណ្យ៧ថ្ងៃនិង១០០ថ្ងៃ នៅល្ងាចស្អែកនិងបញ្ចប់នៅព្រឹកខាន ស្អែក៣មេសា២០២៥។
ខ្ញុំយំនិងស្រក់ទឹកភ្នែករាល់ថ្ងៃរាល់យប់ នឹកអាណិតបងប្រុស។ថ្ងៃសំអាតខ្លួនបង ប្រុសមុនពេលបញ្ចូលមឈូសខ្ញុំយំ ដោយនិយាយខ្លាំងៗថា (ឲ្យខ្ញុំសូមទោសមកពីខ្ញុំប្រហែសពេកមិនបានមើលថែទាំបងឲ្យបានដិតដល់។ខ្ញុំបានជួយជីវិតមនុស្សមួយនគរតែមិនអាចជួយបងខ្លួនបាន)។
រឿងដែលធ្វើឲ្យខ្ញុំកាន់តែសង្វេគគឺក្មួយស្រីខ្ញុំម្នាក់កំពុងជួលផ្ទះគេនៅកូនៗ មិនបានចូលរៀនពេញលេញ។ក្មួយខ្ញុំ
គោរពតាមការណែនាំរបស់ឪពុកដែល បានប្រាប់កូនៗថាកុំទៅ(រំខានពូរបស់ពួកឯង)។ខ្ញុំបានជួយមនុស្សមួយចំនួន ឲ្យមានផ្ទះនៅហេតុអ្វីបានក្មួយខ្ញុំអត់ផ្ទះ នៅ?នេះមកពីខ្ញុំមិនដឹង។
បងប្រុសថ្ងៃស្អែករូបកាយរបស់បងនឹង បញ្ចុះទៅក្នុងព្រះធរណីជាមួយបងស្រី ដែលពួកបងបែកគ្នា១២ឆ្នាំហើយនិងបានជួបគ្នាវិញដែលជាទីកន្លែងបងទាំងពីរសម្រាកចុងក្រោយ។
យើងលែងបានជួបគ្នាជារៀងរហូតតែ ខ្ញុំនៅជំពាក់បំណុលបងច្រើនណាស់ ដែលខ្ញុំត្រូវខិតខំសងតាមរយៈជួយមើលការខុសត្រូវចំពោះកូនៗនិងចៅៗ របស់បង៕
