មកដឹងរបៀបថតរូបខ្លះៗ ដែលអាចធ្វើឲ្យអ្នកចូលចិត្តការថតរូប
មកដឹងរបៀបថតរូបខ្លះៗ ដែលអាចធ្វើឲ្យអ្នកចូលចិត្តការថតរូប
ការផលិតរូបទេសភាព ទាមទារចំណេះដឹងច្រើន ដោយឃើញស្រាប់ កន្លែងតែមួយ រូបខ្លះផលិតមកស្អាតទាក់ភ្នែក ខ្លះទៀតត្រឹមរូបធម្មតា។ ចំណេះដឹងពីការរៀបចំគម្រោងជាមុន និងចេះប្រើប្រាស់ផែនទី នាឡិកា និងត្រីវិស័យជាជំនួយ អាចចាំបាច់ ពេលខ្លះតម្រូវច្រើនឆ្នាំទើបអាចប្រើស្ទាត់ជំនាញ។
គ្រប់យ៉ាងគឺដោយសារពន្លឺ។ មិនថាពន្លឺព្រះអាទិត្យ ឬព្រះចន្ទ ការដឹងពីបម្លាស់ទី និងពន្លឺបង្ហាញ អាចជួយឲ្យការថតរូបកាន់តែមានប្រសិទ្ធភាព។
ទិសដៅណាមួយ Subject បែរចំ?
ការថតរូបព្រះអាទិត្យរះ អ្នកត្រូវការស្ថិតនៅភាគខាងកើតចំហៀងនៃ Subject ដែលបែរចំខាងកើត ដែលជួយផ្ដល់ពន្លឺស្រទន់។ បើចង់ថតរូបព្រះអាទិត្យរះតែម្ដង ត្រូវបែរចំខាងកើត នឹងចាប់រូបទេសភាពដ៏ចាប់អារម្មណ៍។
ពេលព្រះអាទិត្យលិច ពន្លឺជះលើ Subject បែរចំខាងលិច ដូច្នេះអ្នកត្រូវស្ថិតនៅភាគខាងលិចចំហៀងនៃ Subject ហើយតម្រង់កាមេរ៉ាទៅខាងកើត។ ដើម្បីថតរូបព្រះអាទិត្យលិច ត្រូវការបន្ទាបកាមេរ៉ាងើយឡើងបន្តិចទៅកាន់ខាងលិច។
ផែនទី និងត្រីវិស័យ
គួរមានត្រីវិស័យមួយដាក់តាមខ្លួន ពេលថតរូប ដោយសារអាចដឹងពីទិសដៅពិតប្រាកដទៅទីតាំងថ្មី មិនស្គាល់។
Google Maps និង Google Earth មានប្រយោជន៍ តម្រង់ផ្លូវទៅទីតាំងណាមួយ ដូចជាកន្លែងចតរថយន្ត។ តែព្រះអាទិត្យ និងព្រះចន្ទ ចំណុចរះ និងលិច អាចខុសគ្នារវាងឆ្នាំ នីមួយៗ។
អាចប្រើកម្មវិធី ដូចជា The Photographer’s Ephemeris (TPE) និង PhotoPills។ កម្មវិធីទាំងនេះ អាចបង្ហាញលក្ខណៈពន្លឺជះលើផ្ទៃដី សម្រាប់ទីតាំងណាមួយលើផែនដី, បង្ហាញច្បាស់លាស់ចំណុចព្រះអាទិត្យរះ និងលិច ឬព្រះចន្ទរះ និងលិច និងមានទិន្នន័យព្យាករណ៍ជាមុន ពេលណាអាចមើលឃើញទិដ្ឋភាពបែបនេះបាន។
ហេតុអ្វីសំខាន់គួរមានគម្រោងថតជាមុន?
នេះជួយអ្នកមានគម្រោងថតរូបបានច្រើន និងកាន់តែត្រឹមត្រូវ ការដឹងពីទីកន្លែង ពេលវេលា និងលក្ខណៈជះមក ជួយផ្ដល់ឱកាសផលិតរូបបានល្អប្រសើរ។ ឧទាហរណ៍ ប៉ុន្មាននាទី រយៈពេលពីរ ទៅបីថ្ងៃ កំឡុងពេលចុងខែកុម្ភៈរាល់ឆ្នាំនីមួយៗ ពន្លឺពីព្រះអាទិត្យជះតាមរយៈ ភ្នំ Yosemite Valley ធ្វើឲ្យទឹកធ្លាក់ Horsetail Falls មានពណ៌លឿង ទឹកក្រូច និងក្រហម មើលទៅដូចភ្លើង។
យល់ពីថ្ងៃរះ និងថ្ងៃលិច
បើថតរូបថ្ងៃរះ គួររហ័សបន្តិច នេះដោយសារលក្ខណៈជះមកលើទេសភាព អាចផ្ដល់អារម្មណ៍ខុសគ្នាលើទិដ្ឋភាព។
ចាប់ផ្ដើមថ្ងៃនីមួយៗ ថ្ងៃរះនៅខាងកើត និងបញ្ចប់ទៅវិញជាមួយថ្ងៃលិចនៅខាងលិច ចន្លោះបន្តិចបន្តួចក្នុងរយៈពេលនោះ ដែលអ្នកថតរូបជាច្រើន មានបំណងលើ។
ជាព័ត៌មានបន្ថែម មែនទែនទៅព្រះអាទិត្យមិនរះ ឬលិចនោះទេ តែផែនដីទៅវិញទេ ដែលបន្តវិលពីខាងលិចទៅខាងកើត។ អ្វីដែលផ្លាស់ប្ដូរគឺពន្លឺរបស់ព្រះអាទិត្យ និងមុំ។ ផែនដីវិលនៅមុំ ២៣.៥ ដឺក្រេ ហើយក៏បណ្ដាលឲ្យចំណុចថ្ងៃរះ និងថ្ងៃលិច មានការផ្លាស់ប្ដូរ តាមពេលវេលាឆ្នាំនីមួយៗផងដែរ។
នេះទើបត្រូវមានជំនួយពីកម្មវិធី TPE និង PhotoPills។
ការថតរូបពេលយប់ និង Milky Way
ការថតទិដ្ឋភាព Milky Way ឬពន្លឺនៅភាគខាងជើង គួរមានការគិតគូរជាមុនអំពីព្រះចន្ទ។ នេះដោយសារ ភាពភ្លឺ និងពេលវេលានៃខែខុសគ្នា។ ពេលព្រះចន្ទភ្លឺពេញ បង្ហាញភាពស្រស់ស្អាត តែពន្លឺជះខ្លាំង ស្ទើរតែមិនអាចថតទិដ្ឋភាពក្បែរ ព្រះចន្ទពេញ កំឡុងពេលយប់។
បើចង់ថតផ្កាយ ឬពន្លឺភាគខាងជើង ដោយប្រើ Long Exposure គួរមានគម្រោងជាមុនទាក់ទងនឹងដំណើរកម្សាន្តទៅកាន់ទិសដៅមេឃងងឹត។
គួរប្រាកដថា ជៀសវាងការថតមុនមួយសប្ដាហ៍ និងក្រោយបីថ្ងៃ នៃព្រះចន្ទពេញ ដោយសារនៅមានពន្លឺជះខ្លាំង។ ការថតរូប Milky Way ល្អបំផុត នៅចន្លោះពីខែមិថុនា និងខែកញ្ញា៕
