ម៉េចក៏ដល់ថ្នាក់នេះ! អ្នកគាំទ្រអាហ្សង់ទីនម្នាក់ចងកសម្លាប់ខ្លួន ក្រោយចាញ់ក្រុមបារាំងវគ្គ ១៦ ក្រុមចុងក្រោយ
ម៉េចក៏ដល់ថ្នាក់នេះ! អ្នកគាំទ្រអាហ្សង់ទីនម្នាក់ចងកសម្លាប់ខ្លួន ក្រោយចាញ់ក្រុមបារាំងវគ្គ ១៦ ក្រុមចុងក្រោយអ្នកគាំទ្ររបស់ក្រុមជម្រើសជាតិអាហ្សង់ទីនម្នាក់ បានចង់កសម្លាប់ខ្លួននៅក្នុងផ្ទះរបស់ខ្លួនឯង ក្រោយពីក្រុមជម្រើសជាតិអាហ្សង់ទីនចាញ់ក្រុមបារាំង ៤-៣ ធ្លាក់ពី World Cup ឆ្នាំនេះ។
អ្នកគាំទ្ររូបនោះឈ្មោះថា Mantosh Haldar អាយុ២០ឆ្នាំ ជាជនជាតិឥណ្ឌា។ រូបគេជាអ្នកស្រលាញ់ក្រុមអាហ្សង់ទីន ជាពិសេសគឺគាំទ្រ Lionel Messi តែម្ដង។ឪពុករបស់ Mantosh បានបញ្ជាក់ថាកូនរបស់លោក ស្រលាញ់បាល់ទាត់តាំងពីតូចមក ហើយរូបគេពេញចិត្តក្រុមអាហ្សង់ទីនខ្លាំងណាស់។ ការបរាជ័យរបស់ក្រុមអាហ្សង់ទីន ក្រោមថ្វីជើងរបស់បារាំង កាលពីពេលកន្លងទៅ បានធ្វើឱ្យ Mantosh ពិបាកចិត្តខ្លាំងមែនទែន មិននិយាយរកនរណានោះទេ។ រហូតមកដល់ម្សិលមិញនេះ លោកក៏បានប្រទះឃើញកូនរបស់ខ្លួន ចងកសម្លាប់ខ្លួនឯងក្នុងបន្ទប់របស់គេតែម្ដង។
នេះជាករណីទី២ហើយនៅឥណ្ឌា ដែលមានអ្នកគាំទ្របាល់ទាត់ សម្លាប់ខ្លួន ក្រោយពីក្រុមដែលពួកគេស្រលាញ់ធ្លាក់ចេញពីព្រឹត្តិការណ៍ FIFA World Cup 2018 នេះ។ ដោយករណីដំបូង គឺអ្នកគាំទ្រលោតទឹកសម្លាប់ខ្លួន ពេលអាហ្សង់ទីនចាញ់ក្រុមក្រូអាត ៣-០៕
