ខ្មែរប៉ុស្ដិ៍ Close

ក្រសួងការពារជាតិ​ ចេញសេចក្តីថ្លែងការណ៍ ទាត់ចោលចំពោះរបាយការណ៍របស់ HRW ដែលវាយប្រហារមកលើ ថ្នាក់ដឹកនាំ កងកម្លាំងប្រដាប់អាវុធកម្ពុជា

ដោយ៖ រៀម វណ្ណា ​​ | ថ្ងៃព្រហស្បតិ៍ ទី២៨ ខែមិថុនា ឆ្នាំ២០១៨ ព័ត៌មានទូទៅ 813
ក្រសួងការពារជាតិ​ ចេញសេចក្តីថ្លែងការណ៍ ទាត់ចោលចំពោះរបាយការណ៍របស់ HRW ដែលវាយប្រហារមកលើ ថ្នាក់ដឹកនាំ កងកម្លាំងប្រដាប់អាវុធកម្ពុជាThe Cambodian military take part in a parade to commemorate the 15th anniversary of the establishment of the Brigade 70, on the outskirts of Phnom Penh October 13, 2009. The brigade which cracks down on terrorism has more than 600 armed combatants including the prime minister's body guards, an emergency unit and a military unit to assist fighters when needed. REUTERS/Chor Sokunthea (CAMBODIA MILITARY ANNIVERSARY)

នៅថ្ងៃទី២៨ ខែមិថុនា ឆ្នាំ២០១៨នេះ ក្រសួងការពារជាតិ​កម្ពុជា បានចេញសេចក្តីថ្លែងការណ៍មួយទាត់ចោល របាយការណ៍របស់ អង្គការឃ្លាំមើលសិទ្ធិអន្តរជាតិ (HRW) ដែលចោទប្រកាន់មកលើ ថ្នាក់ដឹកនាំ កងកម្លាំងប្រដាប់អាវុធចំនួន១២រូប។

នៅក្នុងសេចក្តីថ្លែងការណ៍របស់ក្រសួងការពារជាតិ បានបញ្ជាក់យ៉ាងដូច្នេះថា៖ «ក្រសួងការពារជាតិ នៃព្រះរាជាណាចក្រកម្ពុជា សូមសម្តែងការសោកស្តាយយ៉ាងខ្លាំង ចំពោះរបាយការណ៍បំភ្លៃការពិត ដែលបង្កើតឡើងតាមអំពើចិត្តដោយ របស់ដែលហៅថា អង្គការឃ្លាំមើលបញ្ហាសិទ្ធិមនុស្ស (HRW) ផ្សព្វផ្សាយនៅថ្ងៃទី២៨ ខែមិថុនា ឆ្នាំ២០១៨ ដែលមានបំណងញុះញង់ ចោទប្រកាន់គ្មានមូលដ្ឋាន និងមិនសមហេតុផល មកលើមន្រ្តីជាន់ខ្ពស់១២រូប នៃកងកម្លាំងប្រដាប់អាវុធ របស់ព្រះរាជាណាចក្រកម្ពុជា»

ក្រសួងបានបន្តថា ការប្រឌិតរបាយការណ៍បែបឆ្គួតលីលារបស់ក្រុមនេះ គឺជាការរំលោភបំពានម្តងហើយម្តងទៀតមកលើ អធិបតេយ្យភាព ឯករាជ្យភាព និងនីតិរដ្ឋរបស់ព្រះរាជាណាចក្រកម្ពុជា ដើម្បីបម្រើនយោបាយទុច្ចរិតរបស់ ជនបរទេសមួយចំនួន និងក្រុមអ្នកនយោបាយក្បត់ជាតិ ដែលបានប៉ុនប៉ងបង្កើតបដិវត្តន៍ពណ៌ បំផ្លិចបំផ្លាញដល់សន្តិភាព និងសេចក្តីសុខរបស់ប្រជាពលរដ្ឋខ្មែរ ហើយបើទោះបីជាផែនការបដិវត្តន៍ពណ៌នេះ បានបរាជ័យរហូតដល់មានការចាប់ខ្លួនមេខ្លោងរួចហើយក៏ដោយ ក៏ក្រុមនេះខ្លះ នៅមិនទាន់បោះបង់ចោលគំនិត បំផ្លិចបំផ្លាញកម្ពុជានៅឡើយទេ។

ក្រសួងការពារជាតិ ក៏បានអំពាវនាវដល់ អង្គការឃ្លាំមើលបញ្ហាសិទ្ធិមនុស្ស (HRW) ឱ្យបញ្ឈប់ជាបន្ទាន់នូវការប្រឌិតរបាយការណ៍ចោទប្រកាន់ដោយគ្មានមូលដ្ឋាន ទៅលើថ្នាក់ដឹកនាំកងកម្លាំងប្រដាប់អាវុធកម្ពុជា យ៉ាងអយុត្តិធម៌ បែបនេះតទៅទៀត៕

សូមអាន​សេចក្តី​ថ្លែងការណ៍​របស់​ក្រសួង​ការពារជាតិ​៖

អត្ថបទទាក់ទង