ធនាគារជាតិនៃកម្ពុជា ចេញប្លង់អគារថ្មីសាងសង់ឆាប់ៗនេះ រូបរាងឡូយកប់
ថ្មីៗនេះ ធនាគារជាតិនៃកម្ពុជា បានបញ្ចេញរូបរាងអគារថ្មីរបស់ខ្លួន ដែលគ្រោងនឹងសាងសង់ក្នុងពេលឆាប់ៗនេះនៅលើទីតាំងបច្ចុប្បន្ន ខណៈការិយាល័យធ្វើ បានផ្លាស់ប្ដូរទៅទីតាំងបណ្ដោះអាសន្ននៅតាមផ្លូវហាណូយ សង្កាត់ភ្នំពេញថ្មីទៅហើយ។
/5b1fd0f921bab_1528811760_large.jpg)
តាមរូបភាពដែលភ្ជាប់មក អគារថ្មី មានរូបរាងស្អាតទាក់ភ្នែក ខណៈមហាជនមួយចំនួន ក៏បានសាទរ ប៉ុន្តែជាមួយគ្នា ក៏មានអ្នករិះគន់ស្ថាបនាខ្លះដែរ។ មតិរិះគន់ លើកឡើងថា រចនាបថនៃអគារធនាគារជាតិនៃកម្ពុជា គួរមានបញ្ចូលរចនាបថខ្មែរឲ្យច្រើន។
វិលទៅការជូនដំណឹងខ្លី របស់ធនាគារជាតិនៃកម្ពុជាវិញ បានបញ្ជាក់ថា “អាគារស្នាក់ការថ្មីនេះ ត្រូវបានរចនាឡើង តាមលំនាំប្រាសាទភ្នំ ដែលបង្ហាញពីវប្បធម៌ខ្មែរយើង ហើយបង្ហាញពីភាពរឹងមាំ ទំនើប និងការរីកចម្រើនវិស័យធនាគារ នាពេលបច្ចុប្បន្ន”។
ធនាគារជាតិនៃកម្ពុជា ឬដែលមហាជនមួយចំនួន និយមហៅថា “Bank ក្រហម” (បង់ក្រហម) នោះ បានសាងសង់ដំបូងតាំងពីឆ្នាំ១៩៥៤។ ឆ្លងកាត់សង្គ្រាមអាវខ្មៅផង រហូតដល់បច្ចុប្បន្ន អគារនេះបានផ្លាស់ប្ដូររូបរាង និងពណ៌សម្បុរខ្លះៗ។ ប៉ុន្តែមិនបានផ្លាស់ប្ដូរទាំងស្រុងដូចនឹងគម្រោងថ្មី ដែលគ្រោងសាងសង់ឆាប់ៗនេះឡើយ។
ជុំវិញផែនការសាងសង់អគារថ្មីនេះ ធនាគារជាតិនៃកម្ពុជា មិនបានឲ្យដឹងថា កញ្ចប់ថវិកាប៉ុន្មាននឹងត្រូវចំណាយលើការសាងសង់ ក្រៅពីនេះ ការសាងសង់ចំណាយពេលប៉ុន្មាន ឬបញ្ចប់នៅពេលណា ក៏ទេដែរ៕
ខាងក្រោមនេះ ជារូបភាពស្ដីពីការវិវត្តន៍របស់ធនាគារជាតិចាប់តាំងពីករកើតដំបូងឆ្នាំ ១៩៥៤ មកដល់បច្ចុប្បន្ន!
/5b1fd0fbb6277_1528811760_large.jpg)
/5b1fd0fac2632_1528811760_large.jpg)
/5b1fd0fa4a5f3_1528811760_large.jpg)
/5b1fd0f9b9ee9_1528811760_large.jpg)
(រូបភាព៖ ទំព័រហ្វេសប៊ុករបស់ ធនាគារជាតិនៃកម្ពុជា)
