រថយន្ត Mazda ពាក់ស្លាកលេខខេមរភូមិន្ទ រ៉េទៅបុកម៉ូូតូ ១គ្រឿង រួចបន្តជ្រុលចង្កូតបុកចូលផ្ទះប្រជាពលរដ្ឋ
រថយន្ត Mazda ពាក់ស្លាកលេខខេមរភូមិន្ទ រ៉េទៅបុកម៉ូូតូ ១គ្រឿង រួចបន្តជ្រុលចង្កូតបុកចូលផ្ទះប្រជាពលរដ្ឋ
រាជធានីភ្នំពេញ ៖ ផ្អើលទាំងកណ្តាលថ្ងៃត្រង់ រថយន្ត Mazda ពាក់ស្លាកលេខ ខេមរភូមិន្ទ ១គ្រឿង បើកបរដោយបុរសម្នាក់ រេចង្កូតទៅបុកគ្នាជាមួយម៉ូតូ ហុងដាឌ្រីមសេ១២៥ ១គ្រឿង ក្នុងទិសដៅបញ្រ្ចាស់គ្នា រួចបន្តជ្រុលចង្កូតបុកចូលផ្ទះប្រជាពលរដ្ឋថែមទៀត បណ្តាលអោយបុរសម្នាក់ រងរបួសធ្ងន់ធ្ងរ ត្រូវបានបញ្ជូនទៅមន្ទីរពេទ្យភ្លាមៗ ដែលស្ថិតក្នុងសង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ កាលពីវេលាម៉ោង១៤ថ្ងៃត្រង់ ត្រូវនឹងថ្ងៃទី៣១ ខែឧសភា ឆ្នាំ២០១៨ ។
យោងតាមប្រភពព័ត៍មានពីកន្លែងកើតហេតុបានអោយដឹងថា ៖ មុនកើតហេតុ គេឃើញ បុរសចំណាស់ម្នាក់ ជិះម៉ូតូ ១គ្រឿងម៉ាក ហុងដាឌ្រីមសេ១២៥ ពណ៍ខ្មៅ ពាក់ស្លាកលេខភ្នំពេញ1CK- 1365 ធ្វើដំណើរតាមបណ្តោយផ្លូវលំលុះមកដល់ចំណុចក្បែរ មណ្ឌលសុខភាពក្រាំងធ្នង់ ក៏ត្រូវបានរថយន្តMazda ១គ្រឿង ពាក់ស្លាកលេខខេមរភូមិន្ទ02 2-9441 បើកបរដោយបុរសម្នាក់ រេចង្កូតទៅបុកម៉ូូតូជនរងគ្រោះខាងលើ ក្នុងទិសដៅបញ្រ្ចាស់គ្នា ពេញទំហឹង រួចបន្តជ្រុលចង្កូតបុកចូលផ្ទះប្រជាពលរដ្ឋថែមទៀត បណ្តាលអោយបុរសភាគីម៉ូតូ រងរបួសធ្ងន់ធ្ងរ ត្រូវបានបញ្ជូនទៅមន្ទីរពេទ្យធ្វើការសង្គ្រោះបន្ទាន់ភ្លាមៗតែម្តង ។
ក្រោយពេលកើតហេតុសមត្ថកិច្ចជំនាញចរាចរណ៍ខណ្ឌសែនសុខ សហការជាមួយសមត្ថកិច្ចជំនាញក្រុង វាស់វែងយករថយន្តនឹងម៉ូតូទៅរក្សារទុកនៅការិយាល័យចរាចរណ៍ជើងគោកនៃស្នងការនគរបាលរាជធានីភ្នំពេញ ដើម្បីរង់ចាំភាគីទាំងសងខាងមកដោះស្រាយគ្នានៅពេលក្រោយ ៕
