រន្ធត់ណាស់! មួយគ្រួសារមានគ្នា៦នាក់ ស្លាប់ក្មេងតួច២នាក់និង៤នាក់ទៀតក្នុងហេតុការណ៍គ្រោះថ្នាក់ចរាចរណ៍នៅផ្លូវ៦០ម៉ែត្រ
រន្ធត់ណាស់! មួយគ្រួសារមានគ្នា៦នាក់ ស្លាប់ក្មេងតួច២នាក់និង៤នាក់ទៀតក្នុងហេតុការណ៍គ្រោះថ្នាក់ចរាចរណ៍នៅផ្លូវ៦០ម៉ែត្រ
មានករណីគ្រោះថ្នាក់ចរាចរណ៍ដ៍រន្ធត់មួយបានកើតឡើងបង្កដោយរថយន្ត ហុីយ៉ាន់ដាយ បានបើកបុករថយន្ត វិហ្គោ យ៉ាងពេញទំហឹងបណ្តាលឲ្យអូសជាង ៥ម៉ែត្រនៅក្នុងនោះមានមនុស្សប្រុសស្រីក្មេងចាស់ ៦នាក់បានរងរបួសធ្ងន់ និងស្លាប់ចំនួន២នាក់។
ហេតុុការណ៍គ្រោះថ្នាក់ចរាចរណ៍ដ៏រន្ធត់នេះបានកើតឡើងកាលពីវេលាម៉ោង ៣និង៤០នាទីរសៀល ថ្ងៃទី២៥ ខែឧសភា ឆ្នាំ២០១៨ ដែលស្ថិតនៅតាមបណ្តោយផ្លូវ៦០ម៉ែត្រ ក្នុងភូមិដំណាក់សង្កែ សង្កាត់ព្រែកហូលរ ក្រុងតាខ្មៅ ខេត្តកណ្តាល។
ប្រភពព័ត៌មានពីសាក្សីនៅកន្លែងកើតហេតុបានប្រាប់លោក តាំង ស៊ុនតិច អ្នកយកព័ត៌មានអង្គភាព Fresh News ឲ្យដឹងថា មុនពេលកើតហេតុ គេបានឃើញរថយន្ត មួយគ្រឿង ម៉ាក ហ៊ីយ៉ាន់ដា ពណ៌ស ពាក់ស្លាកលេខ ព្រះសីហុន 3A-0830 ជាប្រភេទរថយន្តដឹកទំនិញ បានបើកបរក្នុងទិសដៅពីលិចមកកើត
ខណៈពេលជិះមកដល់ចំណុចត្រង់ផ្លូវបំបែកជាបួន ស្រាប់តែរថយន្តបង្កបានបើកបុកជាមួយរថយន្ត មួយគ្រឿងទៀត ម៉ាក វិហ្គោ ពណ៌ទឹកមាស ពាក់ស្លាកលេខ ភ្នំពេញ 2N-4733 យ៉ាងបំពេញទំហឹងបណ្តាលឲ្យអូសរថយន្ត វិហ្គោ ជាង ៥ម៉ែត្រ ហើយមានមនុស្សគៀបជាប់ក្នុងរថយន្ត។ ភ្លាមៗនោះ អ្នកបើករថយន្តបង្កបានរត់គេចខ្លួនបាត់ ដោយបន្សល់តែរថយន្តនៅនឹងកន្លែងងកើតហេតុ។
ក្រោយកើតហេតុ បងប្អូនប្រជាពលរដ្ឋដែលនៅជិតនោះ បាននាំគ្នាជួយសង្គ្រោះ រួចបានហៅសមត្ថកិច្ចមូលដ្ឋានឲ្យចុះមកដល់កន្លែងកើតហេតុ និងហៅរថយន្តសង្គ្រោះបន្ទាន់មកដឹកជនរងគ្រោះយកទៅមន្ទីរ។ ខណៈពេលដែលដឹកជនរងគ្រោះទៅមន្ទីរពេទ្យនោះ ជាអកុសល ត្រូវបានស្លាបលបាត់បង់ជីវិតចំនួន ២នាក់ និងមនុស្ស ៣នាក់ទៀតកំពុងស្ថិតនៅក្នុងការជួយសង្គ្រោះរបស់ពេទ្យ។
ចំណែកឯរថយន្តបង្កខាងលើ និងរថយន្តរងគ្រោះ ត្រូវបានសមត្ថកិច្ចក្រុងតាខ្មៅ ខេត្តកណ្តាល វាស់វែងយកទៅរក្សាទុកនៅអធិការដ្ឋាននគរបាលក្រុងតាខ្មៅ ដើម្បីរង់ចាំការដោះស្រាយគ្នា៕
