កម្ពុជារកឃើញអ្នកឆ្លងកូវីដ-១៩ ថ្មីចំនួន ៣៩នាក់គិតត្រឹមព្រឹកថ្ងៃអាទិត្យនេះ ក្នុងនោះករណីឆ្លងក្នុងសហគមន៍មាន ៣៥ករណី និងមិនមែនករណីជាសះស្បើយនោះទេ
កម្ពុជារកឃើញអ្នកឆ្លងកូវីដ-១៩ ថ្មីចំនួន ៣៩នាក់គិតត្រឹមព្រឹកថ្ងៃអាទិត្យនេះ ក្នុងនោះករណីឆ្លងក្នុងសហគមន៍មាន ៣៥ករណី និងមិនមែនករណីជាសះស្បើយនោះទេ
ក្រសួងសុខាភិបាល នៅព្រឹកថ្ងៃទី២៨ ខែកុម្ភៈ ឆ្នាំ២០២១នេះ បានចេញសេចក្តីប្រកាសព័ត៌មាន បញ្ជាក់ពីការរកឃើអ្នកឆ្លងជំងឺកូវីដ-១៩ ថ្មីចំនួន៣៩នាក់ថែមទៀត ដែលក្នុងនោះមានករណីវិជ្ជមាន ក្នុង «ព្រឹត្តិការណ៍សហគមន៍ ២០កុម្ភៈ» មានចំនួន៣៥នាក់។
បើតាមសេចក្តីប្រកាសព័ត៌មានរបស់ក្រសួងសុខាភិបាល អ្នកឆ្លងកូវីដ-១៩ ថ្មីទាំង៣៩នាក់នេះរួមមាន៖
- ជនជាតិខ្មែរចំនួន ៩នាក់ ក្នុងនោះ ៤នាក់ជាកងទ័ពមួយកខៀវដែលទើបវិលត្រឡប់មកពីបំពេញបេសកកម្មវិញ
- ជនជាតិចិនចំនួន ២៤នាក់
- ជនជាតិវៀតណាមចំនួន ៦នាក់
ជាមួយគ្នានេះ ដើម្បីទប់ស្កាត់ការចម្លងបន្តនូវវីរុសកូវីដ-១៩ ក្នុងសហគមន៍ទ្រង់ទ្រាយធំ ក្រសួងសុខាភិបាល បានអំពាវនាវដល់ប្រជាពលរដ្ឋ ចូលរួមអនុវត្តន៍វិធានការការពារខ្លួន ឲ្យបានខ្ជាប់ខ្ជួន តាមការណែនាំរបស់សម្តេចតេជោ ហ៊ុន សែន គឺ៖
- ត្រូវអនុវត្តន៍នូវវិធានការ ៣ការពារ និង៣កុំ,
- ត្រូវចូលរួមធ្វើចត្តាឡីស័ក ឲ្យបានត្រឹមត្រូវ,
- អ្នកពាក់ព័ន្ធ ១៤ថ្ងៃមុនព្រឹត្តិការណ៍សហគមន៍ ២០កុម្ភៈ ត្រូវមកធ្វើតេស្ត នៅមណ្ឌលសុខភាពចាក់អង្រែ,
- ត្រូវចូលរួមផ្តល់ព័ត៌មានបុគ្គល ដែលជាប់ពាក់ព័ន្ធដោយផ្ទាល់ និងប្រយោលនៃព្រឹត្តិការណ៍សហគមន៍២០កុម្ភៈ,
- បើមិនចាំបាច់សូមនៅផ្ទះ និងមិនត្រូវរើសអើងអ្នកដែលឆ្លងកូវីដ-១៩ នោះឡើយ។
សូមជម្រាបថា គិតត្រឹមម៉ោង៧៖០០នាទីព្រឹកថ្ងៃទី២៨ ខែកុម្ភៈ ឆ្នាំ២០២១នេះ កម្ពុជាបានរកឃើញអ្នកឆ្លងកូវីដ-១៩ ចំនួន៨០៥នាក់ ក្នុងនោះអ្នកជាសះស្បើយចំនួន ៤៧៧នាក់ និងអ្នកកំពុងសម្រាកព្យាបាលនៅមន្ទីរពេទ្យចំនួន ៣២៨នាក់៕
សូមអាននូវសេចក្ដីប្រកាសព័ត៌មានទាំងស្រុងពីក្រសួងសុខាភិបាលដូចខាងក្រោម៖
