ទស្សនាវីដេអូ៖ រម្លឹកចម្រៀងពីរោះរណ្តំចិត្ត២០បទ របស់អធិរាជសំឡេងមាស ស៊ីន ស៊ីសាមុត ក្នុងថ្ងៃកំណើតលោក
ទស្សនាវីដេអូ៖ រម្លឹកចម្រៀងពីរោះរណ្តំចិត្ត២០បទ របស់អធិរាជសំឡេងមាស ស៊ីន ស៊ីសាមុត ក្នុងថ្ងៃកំណើតលោកថ្ងៃទី២៣ ខែសីហា ឆ្នាំ១៩៣២ ជាថ្ងៃអធិរាជសំឡេងមាស មាស ស៊ីន ស៊ីសាមុត បានចាប់កំណើតឡើង នៅទីរួមខេត្តស្ទឹងត្រែង ជាប់ប្រទល់ប្រទេសឡាវ។ ក្នុងចំណោមបងប្អូន៤នាក់ លោកជាកូនពៅ ដែលមានម្តាយជាកូនកាត់ឡាវ-ចិន ឪពុកជាឆ្មាំយាមពន្ឋនាគារនៅខេត្តបាត់ដំបង និងជាទាហានបដិវដ្តន៍ប្រឆាំងអាណានិគមបារាំង។
លោក ស៊ីន ស៊ីសាមុត ជាអ្នកនិពន្ធបទចម្រៀង និងជាអ្នកចម្រៀងខ្មែរដ៏ល្បីល្បាញ នាអំឡុងទសវត្សរ៍ ៥០ ដល់ ៧០។ ភាពល្បីល្បាញរបស់លោកបានពីទឹកដមសំឡេងដ៏ក្រអួនក្រអៅ ពីរោះរណ្ដំចិត្ត មិនថាបទចម្រៀងមនោសញ្ចេតនា សប្បាយ កម្សត់ខ្លោចផ្សា។
ត្បិតជោគជ័យលើអាជីពសិល្បៈ ប៉ុន្តែទំនាក់ទំនងស្នេហាលោកមិនសូវជាជោគជ័យប៉ុន្មាននោះទេ ដោយលោកបានរៀបអាពាហ៍ពិពាហ៍ ២ដង។ បន្ទាប់ពីបញ្ចប់ការសិក្សាពីសាលាវេជ្ជសាស្ត្រ លោករៀបអាពាហ៍ពិពាហ៍ជាមួយអ្នកស្រី ខាវ ថងញ៉ុត ដែលជាបងប្អូនជីជូនមួយ តាមការចាត់ចែងពីមេបា។ ចំណងស្នេហ៍អ្នកទាំង២ មានកូនប្រុសស្រី ចំនួន៤នាក់ មានដូចជា ស៊ីន យុទ្ធនា ស៊ីន ច័ន្ទឆ័យា ស៊ីន វ៉ាន់ថា ស៊ីន ប្រាសាទសង្វា។
ជីវិតគ្រួសាររបស់លោកជាមួយអ្នកស្រី ខាវ ថងញ៉ុត ចាប់មានភាពរកាំរកូសដោយសារសម្ពាធពីអាជីព និងកេរ្តិ៍ឈ្មោះរបស់លោក ម្លោះហើយភរិយាបានចាកចោលលោកទៅបួសជាដូនជីពេលអ្នកស្រីមានអាយុ៣០ឆ្នាំ។
ជាអកុសល លោក ស៊ីន ស៊ីសាមុត បានទទួលមរណភាពក្នុងរបបប្រល័យពូជសាសន៍ខ្មែរក្រហម នៅថ្ងៃទី ១៨ ខែឧសភា ឆ្នាំ ១៩៧៦។ ទោះជាលោកបាត់បង់ជីវិតអស់រយៈពេលជាច្រើនឆ្នាំក្តី បទចម្រៀងរបស់លោកទាំងប៉ុន្មាននៅតែដក់ជាប់ក្នុងដួងចិត្តប្រជាជនកម្ពុជារហូតបច្ចុប្បន្ន។
ក្នុងថ្ងៃកំណើតរបស់អធិរាជសំឡេងមាស ស៊ីន ស៊ីសាមុត សូមប្រិយមិត្តរីករាយនឹងបទពីរោះៗ១០បទរបស់លោក ខាងក្រោមនេះ៖
១. ឧត្តមដួងចិត្ត
២. ចំប៉ាបាត់ដំបង
៣. កំពង់ធំជំរុំចិត្ត
៤. ស៊ូទ្រាំ
៥. ស្ពានអូរតាគី
៦. ទ្រព្យគាប់ចិន្តា
៧. អានី
៨. រំដួលដងស្ទឹងសង្កែ
៩. មុនីខេមរាអាកាសយាន
១០.ខំលួចស្រលាញ់អូន
១១. ដួងចន្ទដួងចិត្ត
១២. បងស្រលាញ់តែអូន
១៣. ភ្លេចហើយឬនៅកែវអើយ
១៤. បណ្ដាំស្នេហ៍
១៥. នេះហើយរឿងបង (ភ្លើងគ្មានផ្សែង)
១៦. សម្រស់នាងចែវទូក
១៧. ផ្ការីកក្នុងចិត្ត
១៨. កំពតកំពូលដួងចិត្ត
១៩. ព្រោះតែអូន
២០. បណ្ដាំនាវឹក
តើប្រិយមិត្តពេញចិត្តបទណាមួយក្នុងចំណោមបទទាំង២០របស់លោកខាងលើ? សូមខំមិនលេខរៀងនៃបទចម្រៀងនៅក្នុងប្រអប់ខាងក្រោម៖
អត្ថបទ៖ សប្បាយ
