លោកនាយករដ្ឋមន្ត្រី ហ៊ុន សែន បញ្ឈប់មិនឱ្យយកប្រាក់តាមផ្លូវវាងក្រុង ក្នុងខេត្តមួយ
លោកនាយករដ្ឋមន្ត្រី ហ៊ុន សែន បញ្ឈប់មិនឱ្យយកប្រាក់តាមផ្លូវវាងក្រុង ក្នុងខេត្តមួយ
នៅលើបណ្ដាញទំនាក់ទំនងសង្គមហ្វេសប៊ុកលោកនាយករដ្ឋមន្ត្រីបានឱ្យដឹងថា លោក ហ៊ុន សែន បានបញ្ឈប់មិនឱ្យយកប្រាក់តាមផ្លូវវាងក្រុង (លេខ២១) ក្រុងដូនកែវ ខេត្តតាកែវ ចាប់ ពីម៉ោង ១២:00 អាធា្រតយប់ថ្ងៃទី១៤ ខែសីហា ឆ្នាំ២០១៨ យប់នេះ តទៅ។
ក្រោយពីទទួលបាននូវសំណូមពរពីបងប្អូនប្រជាពលរដ្ឋ អាជីវករ និង ម្ចាស់យានយន្ដដឹកទំនិញគ្រប់ប្រភេទនៅខេត្តតាកែវស្នើសុំសម្តេចកុំឱ្យយកលុយថ្លៃឆ្លងកាត់ផ្លូវលេខ២១ ដែលភ្ជាប់ពីផ្លូវជាតិលេខ២ ខាងលិច មន្ទីរសុខាភិបាលមកទល់នឹងផ្លូវលេខ១២៥ក ឬហៅថាផ្លូវវាងក្រុង លោក ហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុជា បានសម្រេចផ្ដល់ជូនបងប្អូន ប្រជាពលរដ្ឋប្រើប្រាស់ផ្លូវខាងលើដោយមិនយកប្រាក់ជារៀងរហូត ចាប់ ពីម៉ោង ១២:00 អាធា្រតយប់ថ្ងៃទី១៤ ខែសីហា ឆ្នាំ២០១៨ យប់នេះ តទៅ។
សម្ដេចតេជោបានបន្ដថា នេះគឺជាកាដូថ្មីជូនបងប្អូនអ្នកខេត្តតាកែវក៏ដូចជាសម្រាប់បង ប្អូនដែលធ្វើដំណើរឆ្លងកាត់ទីនេះ។ ទន្ទឹមនេះ ចាប់ពីម៉ោង ១២:០០ យប់នេះតទៅ គឺបងប្អូនប្រជាពលរដ្ឋធ្វើដំណើរ ដោយមិនត្រូវបង់ប្រាក់ថ្លៃ ឆ្លងកាត់តាមផ្លូវនេះទៀតឡើយ។
លោក ហ៊ុន សែន តែងតែនៅរួមសុខរួមទុក្ខជាមួយប្រជាពលរដ្ឋ គ្រប់ស្ថានការណ៍ទាំងអស់ ព្រោះសេចក្តីសុខរបស់ពលរដ្ឋ គឺជាសេចក្តីសុខរបស់សម្តេចផ្ទាល់។
សម្ដេចតេជោក៏បាន អរគុណបងប្អូនប្រជាពលរដ្ឋ ដែលបានបោះឆ្នោតគាំទ្រគណបក្ស ប្រជាជនលេខ២០ ហើយសូមឱ្យបងប្អូនធ្វើដំណើរមានសុខសុវត្ថិភាពគ្រប់ទីកន្លែង៕
