ភាពយន្តគំនូរជីវចល “Funan” និយាយពីរបបខ្មែរក្រហម ជាប់ពានរង្វាន់ធំបំផុតពីអន្តរជាតិ
ភាពយន្តគំនូរជីវចល “Funan” និយាយពីរបបខ្មែរក្រហម ជាប់ពានរង្វាន់ធំបំផុតពីអន្តរជាតិ
ខ្សែភាពយន្តគំនូរជីវចល ដែលមានចំណងជើងថា “Funan” ដែលនិយាយអំពីប្រទេសកម្ពុជា ក្នុងអំឡុងរបបខ្មែរក្រហម ទទួលបានពានរង្វាន់ធំមួយពីមហោស្រពអន្តរជាតិ Annecy International Animation Film Festival លើកទី ៤២ ក្នុងប្រទេសបារាំងថ្មីៗនេះ។
ភាពយន្តនេះរៀបរាប់ពីជីវិតរបស់ម្តាយ ផលិតករ និងសិល្បករគំនូរជីវចល មានស្នាដៃក្នុងភាពយន្តបែបគំនូរជីវចល ខ្មែរ បារាំង Denis Do ផ្ទាល់ ក្នុងអំឡុងរបបខ្មែរក្រហមនៅប្រទេសកម្ពុជា ដែលជួបទុក្ខលំបាកជារៀងរាល់ថ្ងៃ និងត្រូវទ្រាំទ្រការគៀបសង្កត់ពោរពេញដោយអំពើហិង្សា។
ខ្សែភាពយន្តមួយនេះក៏បង្ហាញពីទឹកចិត្ត និងការខិតខំរបស់ម្តាយលោក Denis Do ដែលស្វែងរកកូនប្រុសរបស់គាត់បន្ទាប់ពីបានបែកបាក់គ្នាក្នុងអំឡុងពេលជម្លៀសប្រជាជនចេញពីទីក្រុងដោយប្រើកម្លាំងបាយ ព្រមទាំងអាវុធ របស់ទាហាន ប៉ុល ពត ទៅកាន់ជំរំពលកម្មនៅឯតាមជាយខេត្ត ដែលនេះជាហេតុការណ៏នាំដល់ការរលំនៃទីក្រុងភ្នំពេញ ដោយកងទ័ពកុម្មុយនិស្តខ្មែរក្រហមចូលកាន់អំណាចនៅថ្ងៃទី ១៧ មេសា ឆ្នាំ ១៩៧៥។
តាមលោក Denis Do ដែលជាអ្នកនិពន្ធ និងដឹកនាំរឿងខាងលើ ភាពយន្តដែលឆ្លុះបញ្ចាំងពីរបបខ្មែរមួយនេះ បានចំណាយប្រមាណ៥លានដុល្លារអាមេរិក ព្រោះថាវាជាភាពយន្តគំនូរជីវចល ដូច្នេះហើយមានការចំណាយខ្ពស់ជាងភាពយន្តសម្ដែងដោយមនុស្សពិតៗឆ្ងាយ។
យ៉ាងនេះក្ដី បុរសកូនកាត់បារាំង-ខ្មែររូបនេះ បញ្ជាក់ថា កម្រិតចំណាយខាងលើ មិនមែនជាទុនរបស់លោកតែម្នាក់នោះទេ ប៉ុន្តែជាការចូលរួមរបស់ក្រុមផលិតទាំងអស់។ ក្រុមផលិតដែលចូលរួមជួយ “Funan, the New People” ឲ្យចេញជារូបរាងឡើងមានចំនួន៤ប្រទេសគឺ មានក្រុមប្រទេស ប៊ែលហ្សិក លុចហ្សំបួរ បារាំង និងកម្ពុជា និងចាប់ដៃគូសហការផលិតជាមួយក្រុម IThink Asia ៕
ចង់ដឹងថារឿង “Funan” មានចំណុចពិសេសបែបណាខ្លះ តោះទស្សនាវីដេអូខ្លីខាងក្រោម៖
