ម៉ូតូម៉ាក Duke ប៉ះជាមួយ Ford ធ្វើអោយ Duke ចូលក្រោមរថយន្ត នឹងមនុស្ស២នាក់ រងរបួសធ្ងន់ស្រាល ក្នុងគ្រោះថ្នាក់ចរាចរណ៍
ម៉ូតូម៉ាក Duke ប៉ះជាមួយ Ford ធ្វើអោយ Duke ចូលក្រោមរថយន្ត នឹងមនុស្ស២នាក់ រងរបួសធ្ងន់ស្រាល ក្នុងគ្រោះថ្នាក់ចរាចរណ៍
រាជធានីភ្នំពេញ ៖ រន្ធត់ណាស់ ផ្អើលអស់ប្រជាពលរដ្ឋដែលធ្វើដំណើរតាមផ្លូវ បន្ទាប់ពី រថយន្តម៉ាក Ford បុកជាមួយម៉ូតូម៉ាក Dukde ត្រង់ចំណុចផ្លូវបែកជាបួន បណ្តាលអោយបុរសម្នាក់រងរបួសធ្ងន់ធ្ងរត្រូវបញ្ជូនទៅមន្ទីរពេទ្យភ្លាមៗ នឹងបុរសម្នាក់ទៀតរបួសស្រាល នឹងបង្កអោយម៉ូតូជាប់ក្រោមរថយន្ត រងការខូចខាតទាំងសងខាង កាលពីម៉ោង១៥រសៀល ថ្ងៃទី៣០ ខែឧសភា ឆ្នាំ២០១៨ ស្ថិតនៅតាមបណ្តោយផ្លូវលេខ៣៦០ កែងនឹងផ្លូវលេខ៥៧ ក្នុងសង្កាត់បឹងកេងកង១ ខណ្ឌចំការមន រាជធានីភ្នំពេញ ។
តាមប្រភពព័ត៍មានពីបុរសដែលនៅក្នុងហេតុការណ៍នេះបានបញ្ជាក់ប្រាប់ថា ៖ មុនកើតហេតុ ពួកគាត់បានជិះម៉ូូតូDuke ១គ្រឿង ពាក់ស្លាកលេខភ្នំពេញ1CJ-5319 ធ្វើដំណើរតាមបណ្តោយផ្លូវលេខ៣៦០ ក្នុងទិសដៅពីកើតមកលិច លុះមកដល់កន្លែងកើតហេតុ កែងនឹងផ្លូវលេខ៥៧ ស្រាប់តែបុកជាមួយរថយន្ត១គ្រឿងម៉ាក Ford ពណ៍ស ពាក់ស្លាកលេខភ្នំពេញ2AU-6598 ដែលបើកបរដោយស្រ្តីម្នាក់ តាមបណ្តោយផ្លូវលេខ៥៧ ក្នុងទិសដៅពីជើងទៅត្បូង ពេញទំហឹង បណ្តាលអោយបុរសដែលជាអ្នកឌុប រងរបួសធ្ងន់ធ្ងរត្រូវបញ្ជូនទៅមន្ទីរពេទ្យភ្លាមៗ ចំណែករូបគាត់រងរបួសស្រាលប៉ុណ្ណោះ នឹងបង្កអោយម៉ូតូជាប់ក្រោមរថយន្ត រងការខូចខាតទាំងសងខាង ។
ក្នុងហេតុការណ៍គ្រោះថ្នាក់ចរាចរណ៍ខាងលើនេះដែរ តាមប្រភពបានព្យាយាមសុំការបញ្ជាក់ពីភាគី ខាងរថយន្តផងដែរ ប៉ុន្តែស្រ្តីអ្នកបើកបរបាននិយាយថា រូបគាត់ សុំមិនសំភាសទេ ។ក្រោយពេលកើតហេតុ ភាគីទាំងសងខាងបានធ្វើការដោះស្រាយគ្នា ដោយភាគីខាងរថយន្ត Ford នឹងចេញថ្លៃការខូចខាតនឹងថ្លៃព្យាបាលទាំងអស់តែម្តង ៕
