ខ្មែរប៉ុស្ដិ៍ Close

ឯកឧត្តម​រដ្ឋមន្ត្រី​ ថោង ខុន បើកកិច្ចប្រជុំត្រៀមរៀបចំពិធីបុណ្យសមុទ្រនៅខេត្តកែប

ដោយ៖ ដួង និមល ​​ | ថ្ងៃសុក្រ ទី២០ ខែតុលា ឆ្នាំ២០១៧ ព័ត៌មានទូទៅ 808
ឯកឧត្តម​រដ្ឋមន្ត្រី​ ថោង ខុន បើកកិច្ចប្រជុំត្រៀមរៀបចំពិធីបុណ្យសមុទ្រនៅខេត្តកែបឯកឧត្តម​រដ្ឋមន្ត្រី​ ថោង ខុន បើកកិច្ចប្រជុំត្រៀមរៀបចំពិធីបុណ្យសមុទ្រនៅខេត្តកែប

នៅព្រឹកថ្ងៃទី២០ ខែតុលា ឆ្នាំ២០១៧នេះ ឯកឧត្តម​ ថោង ខុន រដ្ឋមន្រ្តីក្រសួងទេសចរណ៍ និងឯកឧត្តម​ កែន សត្ថា អភិបាលខេត្តកែប បានអញ្ជើញជាគណៈអធិបតី ក្នុងកិច្ចប្រជុំគណៈកម្មការអន្តរក្រសួង ដើម្បីត្រៀមរៀបចំពិធីបុណ្យសមុទ្រជុំទី២ នៅថ្ងៃទី ២២ ដល់ថ្ងៃទី ២៤ ខែ ធ្នូ ២០១៧ខាងមុខនេះ។

សមាសភាពចូលរួមក្នុងកិច្ចប្រជុំនាឱកាសនោះ រួមមាន ឯកឧត្តម លោកជំ​ទាវ លោក លោកស្រីប្រតិភូក្រសួងទេសចរណ៍ អភិបាលរងខេត្ត លោកនាយករដ្ឋបាលសាលាខេត្ត លោក លោកស្រីប្រធាន អនុប្រធានមន្ទីរអង្គភាពជុំវិញខេត្ត លោក លោកស្រី អភិបាល អភិបាលរងក្រុង ស្រុក និងមន្រ្តីសាលាខេត្តជាច្រើនរូបផងដែរ។

គួរបញ្ជាក់ថា សម្រាប់ពិធីបុណ្យសមុទ្រឆ្នាំ២០១៧នេះ រាជរដ្ឋាភិបាលកម្ពុជា ក៏បានចេញសេចក្ដីសម្រេចស្ដីពី ការបង្កើតគណៈកម្មការអន្តរក្រសួង ដើម្បីរៀបចំពិធីបុណ្យសមុទ្រឆ្នាំ២០១៧ ចាប់ពីថ្ងៃទី២២-២៤ ខែធ្នូ ឆ្នាំ២០១៧ នៅខេត្តកែប ក្រោមប្រធានបទ «ឆ្នេរសមុទ្របៃតង៖ អនាគត គឺបច្ចុប្បន្ន» ដែលព្រឹត្តិការណ៍ទេសចរណ៍ដ៏ធំនេះ នឹងប្រកាសបើកជាផ្លូវការ ក្រោមអធិបតីភាពដ៏ខ្ពង់ខ្ពស់របស់សម្តេច​តេជោនាយករដ្ឋមន្រ្តី ហ៊ុន សែន និងភរិយា នាថ្ងៃទី២២ ខែធ្នូ នៅមុខសាលាខេត្តកែប៕

 

 

អត្ថបទទាក់ទង