រដ្ឋបាលរាជធានីភ្នំពេញ គ្រោងកសាងស្ពានអាកាសថ្មើរជើងថ្មីប្រមាណ ២៥កន្លែងទៀត
រដ្ឋបាលរាជធានីភ្នំពេញ គ្រោងកសាងស្ពានអាកាសថ្មើរជើងថ្មីប្រមាណ ២៥កន្លែងទៀត
រដ្ឋបាលរាជធានីភ្នំពេញ គ្រោងកសាងស្ពានអាកាសថ្មើរជើងថ្មីប្រមាណ ២៥កន្លែងទៀត ដើម្បីរំដោះការកកស្ទះ និងកាត់បន្ថយគ្រោះថ្នាក់ចរាចរណ៍ជូនប្រជាពលរដ្ឋ។ នេះបើតាមការបញ្ជាក់របស់លោក ឃួង ស្រេង អភិបាលរាជធានីភ្នំពេញ ក្នុងពេលពិនិត្យការស្ថាបនាស្ពានអាកាសថ្មើរជើងផ្សារដើមគរ នាព្រឹកថ្ងៃទី១៥ ខែមិថុនា ឆ្នាំ២០២០។
លោកលើកឡើងថា ការពង្រីកគម្រោងស្ថាបនាស្ពានអាកាសថ្មើរជើងនេះ ដោយសារតែរាជធានីភ្នំពេញ មានកំណើនប្រជាពលរដ្ឋជាលំដាប់ ដោយពេលនេះទាំងប្រជាពលរដ្ឋដែលរស់នៅអចិន្រ្តៃយ៍ និងប្រជាពលរដ្ឋដែលរស់នៅអាស្រ័យនឹងការរកស៊ី និងធ្វើការផ្សេងទៀត មានជាង ៣លាននាក់ហើយ។
គួរដឹងថា មកទល់ពេលនេះ រាជធានីភ្នំពេញមានស្ពានអាកាសថ្មើរជើង (សង់រួច និងកំពង់សាងសង់) ចំនួន ៥កន្លែងហើយ រួមមាន៖ តំបន់ជម្ពូវ័ន (២កន្លែង), តំបន់ភ្លើងស្តុបនាងគង្ហីង, មុខផ្សារដើមគរ និងមុខសាលាបឋមសិក្សាសន្ធរម៉ុក៕
