អង្គការ Oxfam អន្តរជាតិបិទការិយាល័យរបស់ខ្លួនក្នុងប្រទេសចំនួន ១៨ និងបញ្ឈប់ការងារបុគ្គលិកប្រមាណ ១.៥០០ នាក់

អង្គការ Oxfam អន្តរជាតិបិទការិយាល័យរបស់ខ្លួនក្នុងប្រទេសចំនួន ១៨ និងបញ្ឈប់ការងារបុគ្គលិកប្រមាណ ១.៥០០ នាក់

អង្គការ Oxfam អន្តរជាតិបានអោយដឹងកាលពីថ្ងៃពុធម្សិលមិញថា ខ្លួនបានសម្រេចបញ្ឈប់បុគ្គលិករបស់ខ្លួនប្រមាណ ១.៥០០នាក់ និងសម្រេចបិទការិយាល័យរបស់ខ្លួននៅប្រទេសចំនួន ១៨ ដែលក្នុងនោះក៏មានប្រទេស អាហ្វហ្កានីស្ថាន ផងដែរ ដែលអង្គការនេះបានដាក់ការិយាល័យរបស់ខ្លួនអស់រយៈពេលជាង ៥០ឆ្នាំមកហើយ ។ ការសម្រេចដូច្នេះកើតឡើងបន្ទាប់ពីអង្គការផ្ដល់ជំនួយពិភពលោកបានចាយប្រាក់អស់យ៉ាងច្រើនសន្ធឹកសន្ធាប់ដោយសារតែរាតត្បាតរបស់វីរុសកូវីដ-១៩ ។

អង្គការអន្តរជាតិមួយនេះលែងទទួលបានជំនួយពីសាធារណជននៅអង់គ្លេសដោយសារតែរឿងអាស្រូវផ្លូវភេទលើបុគ្គលិកនារីជនជាតិហៃទីម្នាក់ ។ ដូចនេះ អង្គការនេះត្រូវពឹងផ្អែកទាំងស្រុងពីហាងរបស់ខ្លួន និងពីប្រទេសមួយចំនួននៅអឺរ៉ុបតែប៉ុណ្ណោះ ដែលជាទូទៅអង្គការនេះត្រូវការថវិកាប្រមាណ ៥លានផោនក្នុងមួយសប្ដាហ៍ ។

បច្ចុប្បន្ននេះ អង្គការ Oxfam ដំណើរការប្រតិបត្តិការរបស់ខ្លួននៅប្រទេសចំនួន ៦៦ និង ២២ សាខា ។ អង្គការនេះនឹងធ្វើប្រតិបត្តិការរបស់ខ្លួននៅក្នុងប្រទេសតែ ៤៨ ប៉ុណ្ណោះ ក្នុងនោះ ៦ ប្រទេសនឹងក្លាយសមាជិកសាខាឯករាជ្យ ៕