ខ្មែរប៉ុស្ដិ៍ Close

ឯកឧត្តម​ សុខ ពុទ្ធិវុធ ជម្រុញឱ្យប្រជាពលរដ្ឋរួបរួមគ្នាកសាង និងអភិវឌ្ឍវិស័យពុទ្ធចក្រ និងអាណាចក្រឲ្យរីកចំរើនបន្ថែមទៀត

ដោយ៖ ព្រហ្ម សុវណ្ណ ​​ | ថ្ងៃព្រហស្បតិ៍ ទី១៩ ខែតុលា ឆ្នាំ២០១៧ ព័ត៌មានទូទៅ 775
ឯកឧត្តម​ សុខ ពុទ្ធិវុធ ជម្រុញឱ្យប្រជាពលរដ្ឋរួបរួមគ្នាកសាង និងអភិវឌ្ឍវិស័យពុទ្ធចក្រ និងអាណាចក្រឲ្យរីកចំរើនបន្ថែមទៀតឯកឧត្តម​ សុខ ពុទ្ធិវុធ ជម្រុញឱ្យប្រជាពលរដ្ឋរួបរួមគ្នាកសាង និងអភិវឌ្ឍវិស័យពុទ្ធចក្រ និងអាណាចក្រឲ្យរីកចំរើនបន្ថែមទៀត

តាកែវ៖ នៅថ្ងៃទី១៩ ខែតុលា ឆ្នាំ២០១៧នេះ ឯកឧត្តម​ សុខ ពុទ្ធិវុធ អនុរដ្ឋលេខាធិការក្រសួងប្រៃសនីយ៍ និងទូរគមនាគមន៍ និងជាអនុប្រធានទី១ ក្រុមការងារថ្នាក់ជាតិចុះមូលដ្ឋានស្រុកទ្រាំង នៅក្នុងឱកាសអញ្ជើញជាអធិបតី ក្នុងពិធីស្រោចស្រពសុគន្ធវារី តែងតាំងចងព្រះហស្ថព្រះគ្រូចៅអធិការ គ្រូសូត្រស្តាំ គ្រូសូត្រឆ្វេង និងសម្ភោធសមិទ្ធផលផ្សេងៗក្នុងវត្តព្រៃមៀន ស្ថិតក្នុងឃុំព្រៃស្លឹក ស្រុកទ្រាំង ខេត្តតាកែវ បានជម្រុញឲ្យប្រជាពលរដ្ឋ លោកតាជី យាយជី ចូលរួមគ្នាកសាង និងអភិវឌ្ឍវិស័យពុទ្ធចក្រ និងអាណាចក្រឲ្យរីកចំរើនបន្ថែមទៀត។ លោកបន្តថា ផ្ទុយទៅវិញប្រសិនអាណាចក្រមិនរីកចំរើនទេ យើងក៏គ្មានឱកាសកសាងវិស័យពុទ្ធចក្រដែរ ពីព្រោះអាណាចក្រផ្សារភ្ជាប់ជាមួយពុទ្ធចក្រ។

ឯកឧត្តម​ សុខ ពុទ្ធិវុធ បានបន្ថែមថា ជាក់ស្តែងនៅក្នុងរបបប្រល័យពូជសាសន៍ ប៉ុល ពត ប្រទេសទាំងមូលត្រូវខ្ទេចខ្ទី វត្តអារាមនានាត្រូវបានបំផ្លាញ ពេលនោះយើងគ្មានឱកាសក្នុងការអភិវឌ្ឍប្រទេសនោះទេ ហើយវិស័យពុទ្ធចក្ររបស់យើងក៏លិចលង់ទៅតាមនោះដែរ។ ប៉ុន្តែក្រោយថ្ងៃរំដោះ៧មករា រាជរដ្ឋាភិបាលកម្ពុជា បានខិតខំស្តារប្រទេសជាតិឡើងវិញ ដោយដៃម្ខាងការពារការត្រឡប់មកវិញនូវរបប ប៉ុល ពត ដៃម្ខាងកសាងអភិវឌ្ឍទាំងវិស័យអាណាចក្រ និងពុទ្ធចក្រ រហូតមានការរីកចំរើនគួរជាទីមោទនៈដូចសព្វថ្ងៃ៕

អត្ថបទទាក់ទង