លោកនាយករដ្ឋមន្រ្ដី ហ៊ុន សែន រំលឹកឱ្យគ្រប់គ្រងឈើកាប់ពីកន្លែងធ្វើវារីអគ្គិសនីឱ្យមានប្រសិទ្ធភាព
លោកនាយករដ្ឋមន្រ្ដី ហ៊ុន សែន រំលឹកឱ្យគ្រប់គ្រងឈើកាប់ពីកន្លែងធ្វើវារីអគ្គិសនីឱ្យមានប្រសិទ្ធភាព
លោកនាយករដ្ឋមន្រ្ដី ហ៊ុន សែន បានរំលឹកឱ្យមានការយកចិត្តទុកដាក់គ្រប់គ្រងលើដើមឈើដែលស្តារ និងកាប់ចេញពីកន្លែងធ្វើវារីអគ្គិសនីឱ្យបានត្រឹមត្រូវ និងមានប្រសិទ្ធភាពខ្ពស់ ដើម្បីទាញយកជាចំណូលសម្រាប់ជាតិ។
ការក្រើនរំលឹករបស់លោកនាយករដ្ឋមន្រ្ដី ហ៊ុន សែន បានធ្វើឡើងនៅក្នុងកិច្ចប្រជុំគណៈរដ្ឋមន្ត្រីនៅថ្ងៃទី៥ ខែមេសា ឆ្នាំ២០១៩នេះ។
បើតាមលោក ផៃ ស៊ីផាន រដ្ឋមន្ត្រីប្រតិភូអមនាយករដ្ឋមន្ត្រី និងជាអ្នកនាំពាក្យរាជរដ្ឋាភិបាល បានឱ្យដឹងថា ការក្រើនរំលឹករបស់លោកនាយករដ្ឋមន្រ្ដី បានធ្វើឡើងបន្ទាប់ពីលោកឧបនាយករដ្ឋមន្រ្តី ស ខេង រដ្ឋមន្រ្តីក្រសួងមហាផ្ទៃ បង្ហាញក្តីបារម្ភពីការគ្រប់គ្រងព្រៃឈើ នៅក្នុងអាង និងក្រៅពីអាង ដែលអាចបំផ្លាញធនធានធម្មជាតិ។
ឆ្លើយតបក្តីបារម្ភនេះ លោកនាយករដ្ឋមន្ត្រី បានលើកឡើងថា មានតែគម្រោងនៅសេសានប៉ុណ្ណោះ ដែលមានបញ្ហានេះកើតឡើង ហើយជាបញ្ហាគ្រប់គ្រងតែប៉ុណ្ណោះ។ ដោយទទួលបានបទពិសោធន៍ពីគម្រោងនៅសេសាន លោកនាយករដ្ឋមន្ត្រី បានក្រើនរំលឹកចំពោះកិច្ចគ្រប់គ្រងព្រៃឈើត្រូវធ្វើឱ្យមានប្រសិទ្ធភាព និងទាញជាចំណូលរបស់រដ្ឋចំពោះការកាប់ឈើនេះ។ នេះជាការបញ្ជាក់បន្ថែមរបស់លោក ផៃ ស៊ីផាន ៕
