សម្តេចតេជោនាយករដ្ឋមន្រ្តី ហ៊ុន សែន បានបញ្ជាក់ថា «ចុះហត្ថលេខាឱ្យគេ ៤ខេត្តហើយ ចោទហ៊ុន សែន ឥឡូវខ្លួនឯងហើយ។ ចឹងសុំ លោក កុក ស បញ្ជាក់ លោក កុក ស អត់ចេះខ្មែរមួយម៉ាត់។ រឿងនេះមិនតូចទេ កាត់ដីឲ្យគេ៤ខេត្ត ក្រសួងមហាផ្ទៃចាត់ការរឿងនេះ»។
សម្តេចតេជោនាយករដ្ឋមន្រ្តី ហ៊ុន សែន ក៏បានបញ្ជាក់ថា បើលោក កុក ស ជាខ្មែរមានចាំបាច់ត្រូវការចុះហត្ថលេខាជាមួយគ្នាកាត់ដីឱ្យគ្នាធ្វើអ្វី ហើយមួយទៀតលោក កុក ស នោះមិនចេះខ្មែរទេ គឺនិយាយភាសាអង់គ្លេស។ សម្តេច ហ៊ុន សែន បានចាត់តាំងឱ្យក្រសួងយុត្តិធម៌ និងក្រសួងមហាផ្ទៃធ្វើការស៊ើបអង្កេតរឿងចុះហត្ថលេខាកាត់ដីឱ្យវៀតណាមដែលនេះ គឺជារឿងក្បត់ជាតិថ្មីមួយទៀត៕
