ខ្មែរប៉ុស្ដិ៍ Close

លោកនាយករដ្ឋមន្រ្ដី ហ៊ុន សែន អញ្ជើញត្រឡប់មកដល់កម្ពុជាវិញ បន្ទាប់ពីបំពេញបេសកកម្មទទួលបានជោគជ័យយ៉ាងធំធេងលើឆាកអន្តរជាតិ

ដោយ៖ សន ប្រាថ្នា ​​ | ថ្ងៃព្រហស្បតិ៍ ទី២៥ ខែតុលា ឆ្នាំ២០១៨ ព័ត៌មានទូទៅ 1243
លោកនាយករដ្ឋមន្រ្ដី ហ៊ុន សែន អញ្ជើញត្រឡប់មកដល់កម្ពុជាវិញ បន្ទាប់ពីបំពេញបេសកកម្មទទួលបានជោគជ័យយ៉ាងធំធេងលើឆាកអន្តរជាតិលោកនាយករដ្ឋមន្រ្ដី ហ៊ុន សែន អញ្ជើញត្រឡប់មកដល់កម្ពុជាវិញ បន្ទាប់ពីបំពេញបេសកកម្មទទួលបានជោគជ័យយ៉ាងធំធេងលើឆាកអន្តរជាតិ

នៅព្រឹកថ្ងៃទី២៥ ខែតុលា ឆ្នាំ២០១៨នេះ លោកនាយករដ្ឋមន្រ្ដី ហ៊ុន សែន និងគណៈប្រតិភូជាន់ខ្ពស់របស់កម្ពុជា អញ្ជើញត្រឡប់មកដល់ប្រទេសកម្ពុជា វិញហើយបន្ទាប់ពីបំពេញបេសកកម្មទទួលបានជោគជ័យយ៉ាងធំធេងលើឆាកអន្តរជាតិ អស់រយៈពេល៩ថ្ងៃ ចាប់ពីថ្ងៃទី១៧ រហូតដល់ ថ្ងៃទី២៥ ខែតុលានេះ។

បេសកកម្មក្រៅប្រទេសនេះ លោកនាយករដ្ឋមន្រ្ដី ហ៊ុន សែន បានអញ្ជើញទៅចូលរួម កិច្ចប្រជុំកំពូលអាស៊ី-អឺរ៉ុប (ASEM) លើកទី១២ ដែលនឹងប្រព្រឹត្តទៅពីថ្ងៃទី១៨-១៩ ខែតុលា ឆ្នាំ២០១៨ នៅទីក្រុងប្រ៊ុចសែល ប្រទេសប៊ែលហ្ស៊ិក។ ក្រោយបញ្ចប់កិច្ចប្រជុំអាស៊ី-អឺរ៉ុប នៅរសៀលថ្ងៃទី២០ ខែតុលា ឆ្នាំ២០១៨ លោកនាយករដ្ឋមន្រ្ដី ហ៊ុន សែន បានដឹកនាំគណៈប្រតិភូជាន់ខ្ពស់កម្ពុជា ឆ្ពោះទៅដល់ទីក្រុងអីស្តានប៊ុល ប្រទេសតួកគី ដើម្បីបំពេញទស្សនកិច្ចផ្លូវការរយៈពេល៣ថ្ងៃ ចាប់ពីថ្ងៃទី២០ ដល់ថ្ងៃទី២២ ខែតុលា ឆ្នាំ២០១៨។

នៅព្រឹកថ្ងៃទី២២-២៣ ខែតុលា ឆ្នាំ២០១៧ លោកនាយករដ្ឋមន្រ្ដី ហ៊ុន សែន បំពេញទស្សនកិច្ចទៅកាន់ប្រទេសស្វីស ដើម្បីចូលរួមកិច្ចប្រជុំកំពូលអ្នកដឹកនាំសាកលលើកទី១ ក្រោមប្រធានបទ «កិច្ចវិនិយោគនៅក្នុងយុគសម័យថ្មីនៃសាកលភាវូបនីយកម្ម» ធ្វើឡើងនៅទីក្រុងហ្សឺណែវ។

សូមជំរាបថា កាលពីវេលាម៉ោងប្រមាណជាង១២កណ្តាលអាធ្រាត្រថ្ងៃទី១៦ ឈានចូលថ្ងៃទី១៧ ខែតុលា ឆ្នាំ២០១៨ លោកនាយករដ្ឋមន្រ្ដី ហ៊ុន សែន បានដឹកនាំគណៈប្រតិភូជាន់ខ្ពស់ នៃរាជរដ្ឋាភិបាលកម្ពុជា ចាកចេញពីប្រទសកម្ពុជា ដើម្បីបំពេញទស្សនកិច្ច និងចូលរួមប្រជុំនៅប្រទេសចំនួន៣ ទី១៖ ប៊ែលហ្សិក ទី២៖ តួកគី ទី៣៖ ស្វីស៕

អត្ថបទទាក់ទង