ខ្មែរប៉ុស្ដិ៍ Close

មកស្វែងយល់ចំនុចមួយចំនួន ដែលអ្នកមិនបានចាប់អារម្មណ៍ ប៉ុន្តែល្មើសនឹងច្បាប់ចរាចរណ៍

ដោយ៖ សន ប្រាថ្នា ​​ | ថ្ងៃព្រហស្បតិ៍ ទី៩ ខែសីហា ឆ្នាំ២០១៨ ព័ត៌មានទូទៅ 1756
មកស្វែងយល់ចំនុចមួយចំនួន ដែលអ្នកមិនបានចាប់អារម្មណ៍ ប៉ុន្តែល្មើសនឹងច្បាប់ចរាចរណ៍មកស្វែងយល់ចំនុចមួយចំនួន ដែលអ្នកមិនបានចាប់អារម្មណ៍ ប៉ុន្តែល្មើសនឹងច្បាប់ចរាចរណ៍

ច្បាប់ចរាចរណ៍ផ្លូវគោកថ្មី ត្រូវបានអនុវត្តយ៉ាងតឹងរឹងចាប់ពី​ដើម​ឆ្នាំ​ ២០១៦។ ថ្ងៃនេះយើងសូមចែក​រំលែក​បទល្មើស​ចរាចរណ៍​មួយចំ​នួន​ ដែលប្រិយមិត្តអាចប្រព្រឹត្តដោយមិនដឹងខ្លួន។

Image result for ​ចរាចរណ៍

យោង​តាម​អនុក្រឹត្យ​ស្ដីពី ការពិន័យ​អន្ដរការណ៍​ចំពោះ​អំពើ​ល្មើស​នឹង​ច្បាប់​ស្ដីពី​ចរាចរណ៍​ផ្លូវ​គោក ត្រង់​មាត្រា​៧ ចែងថា ការ​ពិន័យ​ទៅ​លើ​ទោចក្រយានយន្ត ឬទោចក្រយានយន្តសណ្ដោងរ៉ឺម៉ក ឬត្រីចក្រយានយន្ត ២០ ០០០រៀល យានយន្តធុនស្រាល ៤០ ០០០រៀល និងយានយន្តធុនធ្ងន់ ៧៥ ០០០រៀល ចំពោះអំពើ​ល្មើស​ដូចខាងក្រោម៖

១ – អ្នកបើកបរទោចក្រយានយន្តអូសចន្ទល់លើផ្លូវថ្នល់ ឬព្រលែងដៃចង្កូត ឬលើកជើងដាក់លើដៃចង្កូត

២ – អ្នកបើកបរយានយន្តបង្ហោះ រេចុះឡើងរេឡើង ឆាប ឬកៀរ

៣ – អ្នកបើកបរយានយន្តរៀបចំដាក់តាំងភ្លើង និងភ្លើងសញ្ញានៃយានជំនិះ មិនត្រឹមត្រូវតាមលក្ខណៈបច្ចេកទេស

៤ – អ្នកបើកបរយានយន្តដែលម៉ាស៊ីនបញ្ចេញសំឡេងខ្លាំង ឬផ្សែងច្រើនខុសពីបទដ្ឋានបច្ចេកទេស

៥ – អ្នកបើកបរយានយន្តដែលគ្មានឬមិនដំណើរការនូវផ្លិតទឹកជូតកញ្ចក់មុខ ឬកញ្ចក់មុខ ឬកញ្ចក់ក្រោយមានប្រេះស្រាំដែលលំបាកមើលផ្លូវ ឬគ្មានកញ្ចក់មើលក្រោយ

៦ – អ្នកបើកបរយានយន្តហួសល្បឿនកំណត់ចាប់ពី ២០-២៩គីឡូមែត្រក្នុងមួយម៉ោង

៧ – អ្នកបើកបររថយន្តធ្វើអាជីវកម្មដឹកអ្នកដំណើរឬដឹកទំនិញ មិនមានសញ្ញាសំគាល់ ឬប្រើសញ្ញាសម្គាល់មិនត្រឹមត្រូវ

៨ – អ្នកបើកបររថយន្តដឹកទំនិញមានគ្រោះថ្នាក់មិនមានសញ្ញាសម្គាល់ ឬប្រើសញ្ញាសម្គាល់មិនត្រឹមត្រូវ

៩ – អ្នក​បើកបរ​យានយន្ត​ល្មើស​នឹងបែបបទ​ នៃ​ការ​សណ្ដោង​យាន​ដូច​មាន​ចែង​ក្នុង​មាត្រា ១៤ នៃ​ច្បាប់​ស្ដីពី​ចរាចរណ៍​ផ្លូវ​គោក។

១០ – អ្នកបើកបរយានយន្តដែលមិនបានប្រើសញ្ញាអាសន្ន ឬមិនបានដាក់សញ្ញាត្រីកោណជាដំណឹងក្នុងករណីដែលយានយន្តខូចមិនអាចរំកិលចេញពីទ្រូងផ្លូវបាន។អ្នកបើកបរយានយន្តដែលមិនបានប្រើសញ្ញាអាសន្ន និងមិនបានដាក់សញ្ញាត្រីកោណជាដំណឹងសម្រាប់ការពារគ្រោះថ្នាក់ ក្នុងករណីដែលយានយន្តខូចមិនអាចរំកិលចេញពីទ្រូងផ្លូវបាននៅកន្លែងផ្លូវកោង ឬផ្លូវបត់ ឬផ្លូវចោត៕

អត្ថបទទាក់ទង