អតីតបុគ្គលិកវិទ្យុអាស៊ីសេរីពីររូបប្រកាសធ្វើសន្និសីទកាសែតនៅថ្ងៃស្អែកទាមទារប្រាក់អត្ថប្រយោជន៍ការងារក្រោយពេលវិទ្យុអាស៊ីសេរីប្រកាសបិទការិយាល័យនៅភ្នំពេញ
អតីតបុគ្គលិកវិទ្យុអាស៊ីសេរីពីររូបប្រកាសធ្វើសន្និសីទកាសែតនៅថ្ងៃស្អែកទាមទារប្រាក់អត្ថប្រយោជន៍ការងារក្រោយពេលវិទ្យុអាស៊ីសេរីប្រកាសបិទការិយាល័យនៅភ្នំពេញលោក សុខ រដ្ឋា និងលោកស្រី អ៊ុក សាវបូរី អតីតអ្នករាយការណ៍ព័ត៌មានវិទ្យុអាសុីសេរីនៅប្រទេសកម្ពុជា នឹងរៀបចំធ្វើសន្និសីទកាសែត ស្តីពីការទាមទារប្រាក់អត្ថប្រយោជន៍ការងារ ក្រោយពេលវិទ្យុអាស៊ីសេរីប្រកាសបិទការិយាល័យនៅភ្នំពេញកាលពីថ្ងៃ ១២ កញ្ញា ២០១៧។
សន្និសីទកាសែតនេះ នឹងធ្វើឡើងនីវេលាម៉ោង១០ ព្រឹក នៅឯPark Cafe (Calmette) មហាវិថី ព្រះមុនីវង្ស។
ស្របពេលជាមួយគ្នានេះដែរ លោក សុខ រដ្ឋា ក៏បានបញ្ចេញឲ្យដឹងផងដែរនូវលិខិតមួយច្បាប់ដែលលោកបានផ្ញើជូនទៅលោក វីលៀម ហៃ ឯកអគ្គរដ្ឋទូតសហរដ្ឋអាមេរិកប្រចាំកម្ពុជា ដោយក្នុងលិខិតនោះ លោក សុខ រដ្ឋា បានសុំឲ្យលោកឯកអគ្គរដ្ឋទូតអាមេរិកប្រចាំកម្ពុជាជួយអន្តរាគមន៍ទៅក្រុមប្រឹក្សាភិបាលការផ្សាយនៃវិទ្យុអាស៊ីសេរីដែលមានមូលដ្ឋាននៅទីក្រុងវ៉ាស៊ីនតោន សហរដ្ឋអាមេរិក ដើម្បីទូទាត់ប្រាក់អត្ថប្រយោជន៍ការងារក្រោយពេលវិទ្យុអាស៊ីសេរីប្រកាសបិទការិយាល័យនៅរាជធានីភ្នំពេញ។
ក្នុងលិខិតនោះ លោក សុខ រដ្ឋា ទាមទារប្រាក់អត្ថប្រយោជន៍ស្របតាមច្បាប់ការងារនៃព្រះរាជាណាចក្រកម្ពុជា ចំនួនទឹកប្រាក់សរុប២៨០០ដុល្លារអាមេរិក។
