ដំណឹងល្អ! ប្រទះឃើញកូនផ្សោតទើបកើតថ្មី ១ក្បាល នៅអន្លង់កាំពី ខេត្តក្រចេះ
នៅថ្ងៃទី២២ ខែមេសា ឆ្នាំ២០២៤ វេលាម៉ោង១៥:១០នាទី ក្រុមការងារស្រាវជ្រាវនៃរដ្ឋបាលជលផលនិងអង្គការ WWF បានប្រទះឃើញកូនផ្សោតកើតថ្មីចំនួន១ក្បាល នៅអន្លង់កាំពី ខេត្ដក្រចេះ។ នេះបើតាមការបញ្ជាក់ពីក្រសួងកសិកម្ម រុក្ខាប្រមាញ់ និងនេសាទ និងរដ្ឋបាលជលផល។
សូមជម្រាបជូនថា នេះគឺជាកូនផ្សោតទី៧ហើយ ដែលបានកើតនៅដើមឆ្នាំ២០២៤នេះ។ ជាមួយនឹងដំណឹងដ៏រីករាយនេះ រដ្ឋបាលជលផលនៃក្រសួងកសិកម្ម រុក្ខាប្រមាញ់ និងនេសាទ បានថ្លែងអំណរគុណចំពោះបងប្អូនឆ្មាំទន្លេ អាជ្ញាធរមូលដ្ឋាន និងប្រជាពលរដ្ឋទាំងអស់ ដែលបានចូលរួមថែរក្សានិងការពារធនធានជលផលដ៏មានតម្លៃ៕
