កូវីដ-១៩៖ អ្នកឆ្លងថ្មីចំនួន ៤៦៦នាក់ ជាសះស្បើយចំនួន ៣២៤នាក់ និងអ្នកស្លាប់ចំនួន ៣នាក់
កូវីដ-១៩៖ អ្នកឆ្លងថ្មីចំនួន ៤៦៦នាក់ ជាសះស្បើយចំនួន ៣២៤នាក់ និងអ្នកស្លាប់ចំនួន ៣នាក់
ក្រសួងសុខាភិបាល នៅថ្ងៃទី២៤ ខែកុម្ភៈ ឆ្នាំ២០២២នេះ បានចេញសេចក្តីប្រកាសព័ត៌មាន បញ្ជាក់ពីការបន្តរកឃើញអ្នកឆ្លងកូវីដ-១៩ ថ្មីចំនួន ៤៦៦នាក់ (លទ្ធផលបញ្ជាក់ដោយម៉ាស៊ីន PCR) អ្នកជាសះស្បើយចំនួន ៣២៤នាក់ និងអ្នកស្លាប់ចំនួន ៣នាក់ (១នាក់ មិនបានចាក់វ៉ាក់សាំង)។
បើតាមសេចក្តីប្រកាសព័ត៌មានដដែលនេះ ក្នុងចំណោមឆ្លងថ្មីទាំងអស់នោះ សុទ្ធសឹងជាករណីឆ្លងមេរោគបំប្លែងខ្លួនថ្មី Omicron និងមាន ១៦នាក់ ជាករណីនាំចូល។
សូមជម្រាបថា គិតត្រឹមពេលនេះ កម្ពុជារកឃើញអ្នកឆ្លងជំងឺកូវីដ-១៩ សរុបចំនួន ១២៨,៥៩៩នាក់ ក្នុងនោះអ្នកជាសះស្បើយសរុបចំនួន ១២១,៨៧៧នាក់ និងស្លាប់សរុបចំនួន ៣,០២៦នាក់៕
