ជិតដល់ថ្ងៃការ ប្រញាប់ដើរចែកធៀបការ ដាច់បាយដាច់ទឹក រហូតគាំងបេះដូងស្លាប់ចោលគូដណ្តឹង
ជិតដល់ថ្ងៃការ ប្រញាប់ដើរចែកធៀបការ ដាច់បាយដាច់ទឹក រហូតគាំងបេះដូងស្លាប់ចោលគូដណ្តឹងខេត្តឧត្តរមានជ័យ ៖ បុរសនារី ត្រូវជាគូដណ្តឹង បាននាំគ្នា ដើរចែកធៀបការ ពេលត្រឡប់ ទៅផ្ទះដល់វិញ ខាងប្រុសដេក គាំងបេះដូងស្លាប់ បង្កការភ្ញាក់ផ្អើល កាលពីព្រឹកថ្ងៃទី២៧ ខែមេសា ឆ្នាំ២០១៨ នៅក្នុងផ្ទះ របស់នារីជា គូដណ្តឹង ត្រង់ចំណុច ភូមិពងទឹក ឃុំអំពិល ស្រុកបន្ទាយអំពិល ខេត្តឧត្តរមានជ័យ។
សមត្ថកិច្ច បានឲ្យដឹងថា សាកសព ឈ្មោះ ធួន ចាន់នី ភេទប្រុស អាយុ ១៩ ឆ្នាំ រស់នៅ ភូមិចារ ឃុំអំពិល ស្រុកបន្ទាយអំពិល។ តាមការពិនិត្យ សាកសព តាមដងខ្លួន ពុំឃើញមាន ស្លាកស្នាមអ្វីទេ ហើយជនរងគ្រោះ បានស្លាប់ នៅវេលាម៉ោង ០៣និង១០ នាទី ថ្ងៃទី២៧ ខែមេសា ឆ្នាំ ២០១៨ ។ តាមការពិនិត្យ របស់ជំនាញ និងក្រុមគ្រូពេទ្យ ជនរងគ្រោះ ពិតជាបាន ដេកស្លាប់ ដោយគាំងបេះដួង ប្រាកដមែន ដោយដេកស្លាប់ នៅផ្ទះគូដណ្តឹង ទំនងជាដើរចែកធៀបការ អស់កម្លាំង និងអត់ងងុយ៕
ប្រភព៖ Khmer Share
