ពលករខ្មែរនៅកូរ៉េ ទន្ទឹងរង់ចាំវត្តមានលោកនាយករដ្ឋមន្ត្រី ហ៊ុន សែន និងបួងសួងដល់វត្ថុស័ក្តសិទ្ធក្នុងលោក ជួយតាមថែរក្សាម្ដាយក្មេកលោក ឆាប់ជាសះស្បើយ (វីដេអូ)
ពលករខ្មែរនៅកូរ៉េ ទន្ទឹងរង់ចាំវត្តមានលោកនាយករដ្ឋមន្ត្រី ហ៊ុន សែន និងបួងសួងដល់វត្ថុស័ក្តសិទ្ធក្នុងលោក ជួយតាមថែរក្សាម្ដាយក្មេកលោក ឆាប់ជាសះស្បើយ (វីដេអូ)
ពលករខ្មែរដែលកំពុងបម្រើការងារនៅប្រទេសកូរ៉េខាងត្បូង បន្ទាប់ពីទទួលព័ត៌មានថា លោកនាយករដ្ឋមន្ត្រី ហ៊ុន សែន អាក់ខានមិនបានអញ្ជើញទៅសំណេះសំណាល ព្រោះតែម្ដាយក្មេកលោក គឺមហាឧបាសិកា ប៊ុន ស៊ាងលី ឈឺធ្ងន់ត្រូវសង្គ្រោះបន្ទាន់នោះ បានសម្ដែងនូវការសោកស្ដាយយ៉ាងខ្លាំងចំពោះដំណឹងនេះ។
ពលករខ្មែរដែលត្រៀមខ្លួនចាំលោកនាយករដ្ឋមន្ត្រី ហ៊ុន សែន រួចជាស្រេចនោះ បានអះអាងថា បើទោះបីដំណើរលើកនេះ លោកមានការអាក់ខានក៏ពិតមែន ប៉ុន្ដែទំហំចិត្ត និងក្ដីស្រលាញ់របស់គាត់ នៅតែបន្ដទន្ទឹងរង់ចាំវត្តមានរបស់លោកនាយករដ្ឋមន្ត្រីគ្រប់ពេលវេលា ហើយពួកគេសង្ឃឹមថា នៅថ្ងៃណាមួយនឹងបានជួបជាមួយលោកនាយករដ្ឋមន្ត្រី ហ៊ុន សែន។
លើសពីនេះ ពលករខ្មែរទាំងអស់បានបួងសួងដល់វត្ថុស័ក្តសិទ្ធក្នុងលោក ជួយបីបាច់ថែរក្សាមហាឧបាសិកា ប៊ុន ស៊ាងលី ដែលជាម្ដាយបង្កើតរបស់លោកស្រី ប៊ុន រ៉ានី ហ៊ុនសែន នឹងត្រូវជាម្ដាយក្មេករបស់លោកនាយករដ្ឋមន្ត្រី ហ៊ុន សែន សូមឲ្យបានឆាប់ជាសះស្បើយ ដើម្បីជាម្លប់ដល់កូនចៅ ។
សូមជម្រាបថា លោកនាយករដ្ឋមន្ត្រី ហ៊ុន សែន នៅថ្ងៃទី២៣ ខែវិច្ឆិកា ឆ្នាំ២០១៩ បានសម្រេចប្រកាសលុបចោលដំណើរទៅប្រជុំអាស៊ាន-កូរ៉េ និងមេគង្គ-កូរ៉េ នៅទីក្រុងប៊ូសាន នៃសាធារណរដ្ឋកូរ៉េ ដោយសារជំងឺម្តាយក្មេករបស់លោក ស្ថិតនៅក្នុងស្ថានភាពសង្រ្គោះបន្ទាន់។ លោកក៏សូមការយោគយល់ ពីសំណាក់បងប្អូនខ្មែរដែលជានិស្សិត ជាពលករ ជាអាជីវករ និងបងប្អូនដែលមានគ្រួសារជាជនជាតិកូរ៉េ ដែលត្រៀមខ្លួនមកទទួល និងសំណេះសំណាលជាមួយលោកនាយករដ្ឋមន្ត្រី ៕
