ខ្មែរប៉ុស្ដិ៍ Close

រាជរដ្ឋាភិបាលកម្ពុជា ជួបពិគ្រោះយោបល់ជាលើកដំបូងជាមួយអង្គការមិនមែនរាជរដ្ឋាភិបាលបរទេស

ដោយ៖ សន ប្រាថ្នា ​​ | ថ្ងៃចន្ទ ទី២៨ ខែមករា ឆ្នាំ២០១៩ ព័ត៌មានទូទៅ 670

រាជរដ្ឋាភិបាលកម្ពុជា នឹងជួបពិគ្រោះយោបល់ជាលើកដំបូងជាមួយអង្គការមិនមែនរាជរដ្ឋាភិបាលបរទេស ដែលកំពុងបំពេញការងារនៅកម្ពុជា ដើម្បីផ្លាស់ប្តូរទស្សនទានដោយស្មោះត្រង់ និងពង្រឹងកិច្ចសហប្រតិបត្តិការរវាងរាជរដ្ឋាភិបាល និងអង្គការមិនមែនរដ្ឋាភិបាលបរទេស។

យោងតាមការជូនដំណឹងរបស់ក្រសួងការបរទេសកម្ពុជា នៅថ្ងៃទី២៨ ខែមករា ឆ្នាំ២០១៩នេះបានឲ្យដឹងថា ជំនួបពិគ្រោះយោបល់ជាលើកដំបូងរាជរដ្ឋាភិបាល និងអង្គការមិនមែនរដ្ឋាភិបាលបរទេសនេះ នឹងធ្វើឡើងនៅថ្ងៃទី២៩ ខែមករា ឆ្នាំ២០១៩ នៅទីស្តីការក្រសួងការបរទេស និងសហប្រតិបត្តិការអន្តរជាតិ។

លោកឧបនាយករដ្ឋមន្ត្រី ប្រាក់ សុខុន រដ្ឋមន្រ្តីការបរទេស និងសហប្រតិបត្តិការអន្តរជាតិ នឹងអញ្ជើញធ្វើជាអធិបតីក្នុងពិធីបើកកិច្ចប្រជុំនេះ។ លោករដ្ឋមន្ត្រី នឹងថ្លែងសុន្ទរកថាបើក ដោយផ្តោតទាំងស្រុងលើវត្តមាន និងការរួមចំណែករបស់អង្គការមិនមែនរដ្ឋាភិបាលបរទេសក្នុងស្រុក នៅក្នុងកិច្ចអភិវឌ្ឍសេដ្ឋកិច្ច-សង្គមកម្ពុជា ព្រមទាំងសិទ្ធិនិងកាតព្វកិច្ចរបស់ពួកគេ ក្រោមច្បាប់ស្តីពីសមាគមនិងអង្គការមិនមែនរដ្ឋាភិបាល។

ក្នុងសេចក្តីជូនដំណឹងបានឲ្យដឹងថា តំណាងក្រសួង និងស្ថាប័នពាក់ព័ន្ធនានារបស់កម្ពុជា និងតំណាងអង្គការមិនមែនរដ្ឋាភិបាលបរទេសសរុបប្រមាណ៣០០នាក់ នឹងចូលរួមក្នុងវេទិកាពិគ្រោះយោបល់ជាលើកដំបូងនេះ៕

ខាងក្រោមនេះជាសេចក្តីប្រកាសព័ត៌មានរបស់ក្រសួងការបរទេស៖

អត្ថបទទាក់ទង