ឯកឧត្តម ហ៊ុន ម៉ានី តំណាងឲ្យកម្ពុជាបាននាំយកមកវិញនូវគ្រឿងអលង្ការខ្មែរបុរាណពីចក្រភពអង់គ្លេស
ឯកឧត្តម ហ៊ុន ម៉ានី តំណាងឲ្យកម្ពុជាបាននាំយកមកវិញនូវគ្រឿងអលង្ការខ្មែរបុរាណពីចក្រភពអង់គ្លេស
ឯកឧត្តម ហ៊ុន ម៉ានី តំណាងឲ្យកម្ពុជាបាននាំយកមកវិញនូវគ្រឿងអលង្ការខ្មែរបុរាណពីចក្រភពអង់គ្លេស
ព្រឹកថ្ងៃទី២ ខែធ្នូ ឆ្នាំ២០១៧ នេះ កម្ពុជាមានមោទនភាពជាខ្លាំង ដោយបាននាំមកវិញនូវគ្រឿងអលង្ការខ្មែរបុរាណពីប្រទេសអង់គ្លេស មកតម្កល់នៅសារមន្ទីរជាតិ ដែលនេះគឺជាដួងព្រលឹងជាតិខ្មែរយើង។
ការនាំយកមកវិញនូវគ្រឿងអលង្គារទាំងនេះ ធ្វើឡើងតាមរយៈឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា ( ស.ស.យ.ក) និងប្រតិភូ ដោយបានដង្ហែនូវគ្រឿងអលង្ការមាសសម្រាប់លម្អរូបចម្លាក់នាសម័យអង្គរចំនួន១០ឈុត ពីប្រទេសអង់គ្លេសមកកាន់កម្ពុជាវិញ។
ប្រតិភូក្រសួងវប្បធម៌ និងសហភាពសហព័ន្ធយុវជនកម្ពុជា បានដង្ហែគ្រឿងអលង្ការមាស សម្រាប់លម្អរូបចម្លាក់សម័យអង្គរទាំងនេះ មកកម្ពុជាវិញ តាមអាកាសយានដ្ឋានអន្តរជាតិភ្នំពេញ និងយកមកតម្កល់ទុកនៅសារមន្ទីរជាតិ រាជធានីភ្នំពេញ។
សូមបញ្ជាក់ថា ពិធីប្រគល់ និងទទួលគ្រឿងអលង្ការមាស សម្រាប់លម្អរូបចម្លាក់នាសម័យអង្គរមានចំនួន១០ឈុត បានធ្វើឡើងនៅក្នុងស្ថានទូតកម្ពុជា នៅទីក្រុងឡុងដ៍ ចក្រភពអង់គ្លេស រវាងក្រុមហ៊ុនដែលធ្វើការដេញថ្លៃលក់គ្រឿងអលង្ការ ជាមួយភាគីកម្ពុជាយើង។
ពិធីប្រគល់នេះ ធ្វើឡើងក្រោមការចូលរួមពីមន្ត្រីក្រសួងការបរទេសអង់គ្លេស លោកស្រីឯករាជទូតកម្ពុជាប្រចាំប្រទេសអង់គ្លេស ឯកឧត្តម ហ៊ុន ម៉ានី ប្រធាន ស.ស.យ.ក ឯឧត្តម ស សុខា អនុប្រធាន ស.ស.យ.ក ជាមួយនឹងមន្ត្រីក្រសួងវប្បធម៌ និងប្រជាពលរដ្ឋ និស្សិត ដែលរស់នៅទីក្រុងឡុងដ៍មួយចំនួន។
ក្នុងពិធីទទួលនោះមានការរៀបចំ ពិធីបន់ស្រន់សូមសេចក្តីសុខ ក្នុងការនាំយកគ្រឿងអលង្ការមាស សម្រាប់លម្អរូបចម្លាក់សម័យអង្គរ ត្រឡប់មកកម្ពុជាវិញ ឲ្យជួបតែសេចក្តីសុខ សេចក្តីចំរើន។
គ្រឿងអលង្ការមាសសម្រាប់លម្អលើរូបចម្លាក់នាសម័យអង្គរ ដែលទាមទារបានដោយជោគជ័យយកមកវិញនេះ ត្រូវបានក្រុមអ្នកជំនាញបុរាណវត្ថុជាតិ និងអន្តរជាតិចាត់ទុកថា ជា”សម្បត្តិបេតិកភណ្ឌមនុស្សជាតិ ដ៏វិសេសវិសាល និងពុំអាចកាត់ថ្លៃបាន”។ សម្បត្តិទាំងនេះជាផ្នែកមួយ នៃដួងព្រលឹងរបស់បុព្វបុរសខ្មែរពិតៗ ដែលស្ថិតនៅទូទាំងពិភពលោក ហើយត្រូវបានយាងត្រឡប់មកកាន់មាតុភូមិវិញជាបន្តបន្ទាប់ ក្នុងសម័យកាលដែលជាតិយើងបានទទួលនូវសុខសន្តិភាពពេញបរិបូណ៌៕
គួររំលឹកថា ថ្ងៃនេះ ៣៩ឆ្នាំមុន គឺជាថ្ងៃនៃការបង្កើតរណសិរ្សសាមគ្គីសង្គ្រោះជាតិ ដើម្បីរំដោះជាតិចេញពីរបបប្រល័យពូជសាសន៍ ប៉ុល ពត ដែលបាននាំយកនូវសន្តិភាព ការអភិវឌ្ឍជូនប្រជាពលរដ្ឋដូចសព្វថ្ងៃនេះ។
សន្តិភាព បាននាំមកនូវកិត្តិយស កេរ្តិ៍ឈ្មោះ មោទនភាពគ្រប់បែបយ៉ាងសម្រាប់ជាតិមាតុភូមិ៕
