កូនខ្មែរតិចអត់ដឹងទីតាំងអីតឺ…!!!ល្អាងស្ពាន ជាស្ថានីយបុរេប្រវត្តិសាស្ត្រ មានអាយុកាលចាស់ជាងគេនៅក្នុងស្រុកខ្មែរ
កូនខ្មែរតិចអត់ដឹងទីតាំងអីតឺ…!!!ល្អាងស្ពាន ជាស្ថានីយបុរេប្រវត្តិសាស្ត្រ មានអាយុកាលចាស់ជាងគេនៅក្នុងស្រុកខ្មែរ
អគ្គនាយករង នៃអគ្គនាយកដ្ឋានបេតិកភណ្ឌ នៃក្រសួងវប្បធម៌ និងវិចិត្រសិល្បៈ បានបញ្ជាក់ថា ល្អាងស្ពាន ជាស្ថានីយបុរេប្រវតិ្តសាស្ត្រដែលមានអាយុកាលចាស់ជាងគេបំផុត នៅក្នុងស្រុកខ្មែរ ដែលរហូតមកដល់ពេលនេះ ពុំមានស្ថានីយ ណាមួយដែលបង្ហាញពីភស្តុតាង នៃការតាំងទីលំនៅមានអាយុកាលចាស់ ជាងស្ថានីយល្អាងស្ពានឡើយ។
លោក ហេង សុផាឌី អគ្គនាយករងនៃអគ្គនាយកដ្ឋានបេតិកភណ្ឌ បានបញ្ជាក់ក្នុងកិច្ចសម្ភាសន៍ ជាមួយអ្នកព័ត៌មានទូរទស្សន៍ BTV ព័ត៌មាន ថា ក្រសួង និងក្រុមអ្នកស្រាវជ្រាវបារាំង និងមានការចូលរួមធ្វើកំណាយស្ម័គ្រចិត្តពីក្រុមនិស្សិត នៃមហាវិទ្យាល័យបុរាណវិទ្យា និងអ្នកស្រាវជ្រាវមកពីសហរដ្ឋអាមេរិក ចិន និងវៀតណាម បានធ្វើកំណាយស្រាវជ្រាវនៅស្ថានីយល្អាងស្ពាននាពេលកន្លងមក បញ្ជាក់ថា អាយុកាលរបស់ស្ថានីយបុរេប្រវត្តិសាស្ត្រមានអាយុកាលចាស់ជាងគេ។
ល្អាងស្ពាន សិ្ថតក្នុងភូមិគីឡូម៉ែត្រលេខ៣៨ ឃុំត្រែង ស្រុករតនៈមណ្ឌល ចម្ងាយប្រហែល៤០គីឡូម៉ែត្រ ភាគនិរតីក្រុងបាត់ដំបង ខេត្តបាត់ដំបង ។ ស្ថានីយបុរេប្រវត្តិសាស្ត្រនេះ ត្រូវបានធ្វើកំណាយចាប់តាំងពីឆ្នាំ២០០៩មក រហូតមកដល់ឆ្នាំ២០១៨។
លោក បន្តថា តាមរយៈ នៃកិច្ចសហការ នឹងនាំមកនូវលទ្ធផលថ្មីជាច្រើន ហើយមានព័ត៌មានកាន់តែសំបូរបែបមកសិក្សា វិភាគ ដើម្បីឈានទៅធ្វើការបកស្រាយពីជីវភាពរស់នៅបច្ចេកទេស នៃការផលិតឧបករណ៍ ប្រើប្រាស់ពីថ្ម បរិស្ថាន និងធនធានធម្មជាតិ ដែលមាននៅក្នុងតំបន់នេះ។ ក្រៅពីនោះ ក្រសួងមានគោលការណ៍ បណ្តុះបណ្តាលធនធានមនុស្ស ដើម្បីឲ្យមានជំនាញលើផ្នែកនីមួយៗ។
អគ្គនាយករង រូបនោះ បញ្ជាក់ទៀតថា ប៉ុន្តែការស្រាវជ្រាវនេះ យើងមិនធ្វើតែនៅក្នុងតំបន់ល្អាងស្ពាននេះទេ គឺយើងនឹងធ្វើការស្រាវជ្រាវឲ្យបានទូលំទូលាយនៅក្នុងទឹកដីខេត្តបាត់ដំបងបន្ថែមទៀត៕
