ប៊េឡា៖ ក្រាបថ្វាយបង្គំគាល់ ព្រះវររាជមាតាជាតិខ្មែរគឺប្រៀបបាននឹងសុបិនសួគ៌
កាលពីថ្ងៃទី ១១ ខែកក្ដដា ឆ្នាំ ២០១៨ ម្សិលមិញនេះ តារាសម្ដែងថៃ ប៊េឡា រ៉ានី ទទួលបានកិត្តិយសខ្ពស់បំផុតដែលត្រូវបានសម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល ជាទីគោរពសក្ការៈដ៏ខ្ពង់ខ្ពស់បំផុត សព្វព្រះរាជហឫទ័យប្រោសព្រះរាជទានឱ្យក្រាបថ្វាយបង្គំគាល់។
តារាស្រី ប៊េឡា បានបញ្ចេញអារម្មណ៍ត្រេកអរជាពន់ពេក និង អរព្រះគុណយ៉ាងក្រៃលែងដល់សេចក្ដីមេត្តាករុណារបស់ព្រះមហាក្សត្រី ដែលទ្រង់បានសព្វព្រះរាជហឫទ័យអនុញ្ញាតឱ្យរូបនាងចូលក្រាបថ្វាយបង្គំគាល់។ លើសពីនេះ ប៊េឡា ស្ទើរតែនឹកស្មានមិនដល់ថា ខ្លួនទទួលបានកិត្តិយសខ្ពង់ខ្ពស់ដូច្នេះឡើយ ដោយនាងបានលើកឡើងថា ខណៈពេលនោះគឺប្រៀបដូចជាសុបិនមួយអ៊ីចឹង។
មកទឹកដីកម្ពុជាលើកនេះ តួឯកស្រីក្នុងរឿង «បុព្វេសន្និវាស» ប៊េឡា រ៉ានី កាន់តែទទួលបានប្រជាប្រិយភាពទ្វេដង ក្រោយទទួលបានកិត្តិយសដ៏ធំធេងខាងលើ ៕