ខ្មែរប៉ុស្ដិ៍ Close

អភិបាល​ខេត្ត​កណ្តាល រួម​ជា​មួយថ្នាក់​ដឹកនាំ​ខេត្ត​​ ក្រុង​ ស្រុក​ ជួប​សំ​ណេះ​សំ​ណាល​ជាមួយ​កីឡាករ កីឡា​ការីនី​ចំ​ណុះ​ទូក​ទាំង​៦២ទូក​ ក្នុង​ខេត្ត​កណ្តាល​

ដោយ៖ ដួង និមល ​​ | ថ្ងៃព្រហស្បតិ៍ ទី២ ខែវិច្ឆិកា ឆ្នាំ២០១៧ ព័ត៌មានទូទៅ 1035

នារសៀលថ្ងៃទី០១ ខែវិច្ឆិកា ឆ្នាំ២០១៧ ឯកឧត្តម ម៉ៅ ភិរុណ អភិបាលនៃគណៈអភិបាលខេត្តកណ្តាល រួមជាមួយថ្នាក់ដឹកនាំខេត្ត ក្រុង ស្រុក បានអញ្ជើញជួបសំណេះសំណាល សួរសុខទុក្ខ លើកទឹកចិត្តដល់កីឡាករ កីឡាការិនី ចំណុះទូកទូទាំងខេត្តទាំង ៦២ ទូក។

ក្នុងឱកាសនេះ ឯកឧត្តមមានប្រសាសន៍ណែនាំអោយចំណុះទូកទាំងអស់ត្រូវគោរពទៅតាមបទបញ្ជារបស់គណៈកម្មការអុំទូក ត្រូវប្រឹងអស់កម្លាំងកាយចិត្តក្នុងការប្រណាំង និងត្រូវថែរក្សាសុខភាពផងដែរ។​
ឯកឧត្តមអភិបាល​ខេត្ត​ក៏បានឧបត្ថម្ភដល់​កីឡា​ករ កីឡា​ការីនី​អូទូក​ រួម​មាន​ ៖ ទូកអុំខ្នាតវែង ៤៣ ទូក ក្នុងមួយទូកទទួលបានថវិកា ១ លានរៀល ទូកចែវ ចំនួន ៧ ទូក ក្នុងមួយទូកទទួលបានថវិកា ១​លានរៀល​ ទូកខ្នាតអន្តរជាតិ ចំនួន ១៣ ទូក ក្នុងមួយទូកទទួលបាន ថវិកា ៥០ ម៉ឺនរៀល​ និង​កីឡាករទូកទាំងអស់ក្នុងម្នាក់ៗទទួលបានអាវ​មួយ និងមួកមួយ៕​

អត្ថបទទាក់ទង