កូនឈើចម្រុះចំនួន២,៦១០ដើមទៀត ត្រូវបានអាជ្ញាធរជាតិអប្សរាចែកចាយពីថ្ងៃទី២ ដល់ថ្ងៃទី៧ ខែសីហា ឆ្នាំ២០២១

ដោយ៖ លី វិទ្យា | ថ្ងៃអង្គារ ទី១០ ខែសីហា ឆ្នាំ២០២១ ផ្ទះហ្វេសប៊ុក 58

កូនឈើចម្រុះសរុបចំនួន ២,៦១០ ដើមទៀត ត្រូវបានអាជ្ញាធរជាតិអប្សរា ចែកចាយដល់សាធារណជន ចាប់ពីថ្ងៃទី២ ដល់ថ្ងៃទី៧ ខែ សីហា ឆ្នាំ២០២១។ កូនឈើទាំងនោះរួមមាន៖

ប្រគេទកូនឈើជូនព្រះវិជ័យរង្សី ឡាច លាង ព្រះគ្រូប្រាសាទរង្សី អនុគណក្រុងសៀមរាប ចំនួន៥៥០ដើម ដើម្បីយកទៅដាំក្នុងបរិវេណវត្ត មុនឆាយលាងវនារាម ស្ថិតក្នុងភូមិគោកស្រុក ឃុំវារិន ស្រុកវារិន ខេត្តសៀមរាប។ កូនឈើទាំងនោះរួមមាន គ្រញូង១០០ដើម ធ្នង់១០០ដើម ច្រេស២៥ដើម គគីរ១០០ដើម អង្កាញ់២៥ដើម ផ្ញៀវ៥០ដើម សេដា២៥ដើម ថ្កុល៥០ដើម និងរំដួល៧៥ដើម។
ផ្តល់កូនឈើជូនលោក ស្វាយ ហុង មេឃុំដូនកែវ ចំនួន៤០ដើម ដើម្បីយកទៅដាំលំអក្នុងបរិវេណសាលាឃុំ ស្ថិតក្នុងស្រុកពួក ខេត្តសៀមរាប។ កូនឈើទាំងនោះរួមមាន ក្ងោក១០ដើម និងរំដួល៣០ដើម។
ផ្តល់កូនឈើជូនលោក យឹម គឹមសាន ចំនួន២០០ដើម ដើម្បីយកទៅដាំលំអនៅភូមិធម្មជាតិរុនតាឯក សិ្ថតក្នុងភូមិតានី ឃុំរុនតាឯក ស្រុកបន្ទាយស្រី ខេត្តសៀមរាប។ កូនឈើទាំងនោះរួមមាន ឥន្ទនេល១០០ដើម ត្របែកព្រៃ៥០ដើម និងក្ងោកតូច៥០ដើម។
ផ្តល់កូនឈើជូនលោក អែម សំអឿន នាយកវិទ្យាល័យ ប៊ុនរ៉ានី ហ៊ុនសែន ស្ពឺ ចំនួន២៥០ដើម ដើម្បីយកទៅដាំលម្អក្នុងបរិវេណវិទ្យាល័យនេះ ស្ថិតនៅភូមិស្ពឺកើត ឃុំស្ពឺ ស្រុកចំការលើ ខេត្តកំពង់ចាម។ កូនឈើទាំងនោះរួមមាន គគីរ១០០ដើម គ្រញូង៥០ដើម ត្របែកព្រៃ៥០ដើម និងរំដួល៥០ដើម។
ផ្តល់កូនរំដួលជូនអ្នកស្រី ឯក នីដា ចំនួន៣០ដើម ដើម្បីយកទៅដាំលំអក្នុងបរិវេណលំនៅដ្ឋានផ្ទាល់ខ្លួន ស្ថិតក្នុងភូមិទ្រាំង សង្កាត់ស្លក្រាម ក្រុងសៀមរាប ខេត្តសៀមរាប។
ផ្តល់កូនឈើជូនលោក អោ កឿត នាយកសាលាបឋមសិក្សាសំបួរ ចំនួន៦០០ដើម ដើម្បីយកទៅដាំលំអក្នុងបរិវេណសាលារៀន ស្ថិតនៅឃុំសំបួរ ស្រុកក្រឡាញ់ ខេត្តសៀមរាប។ កូនឈើទាំងនោះរួមមាន គ្រញូង២០០ដើម ធ្នង់១០០ដើម បេង៥០ដើម គគីរ១០០ដើម ក្ងោក៥០ដើម និងត្របែកព្រៃ១០០ដើម។
ផ្តល់កូនឈើជូនតំណាងនាយកដ្ឋានសណ្តាប់ធ្នាប់នៃអាជ្ញាធរជាតិអប្សរា ចំនួន៤១០ដើម ដើម្បីយកទៅដាំនៅបរិវេណខាងលិចអាងស្ទាក់ខ្សាច់(ច្រកសំពៅលូន)ផ្នែកខាងជើងកសិណប្រាសាទអង្គរវត្ត។ កូនឈើទាំងនោះរួមមាន គគីរ២៧០ដើម និងរំដួល១៤០ដើម ។
ផ្តល់កូនឈើជូនអ្នកស្រី ព្រំ សុភារ៉ា បំរើការងារនៅខេត្តសៀមរាប ចំនួន១៣០ដើម ដើម្បីយកទៅដាំនៅលើដីទំនេរផ្ទាល់ខ្លួន ស្ថិតនៅភូមិបឹង សង្កាត់ក្របីរៀល ក្រុងសៀមរាប ខេត្តសៀមរាប។ កូនឈើទាំងនោះរួមមាន គ្រញូង៥០ដើម បេង២៥ដើម ធ្នង់២៥ដើម រំដួល១០ដើម ត្របែកព្រៃ១០ដើម និងអង្កាញ់១០ដើម។
ផ្តល់កូនឈើជូនលោក ញាន ឬទ្ធី បំរើការងារនៅខេត្តសៀមរាប ចំនួន២២០ដើម ដើម្បីយកទៅដាំនៅលើដីទំនេរផ្ទាល់ខ្លួន ស្ថិតនៅភូមិអន្លង់ស ឃុំរំលេច ស្រុកស៊ីធរកណ្តាល ខេត្តព្រៃវែង។ កូនឈើទាំងនោះរួមមាន គ្រញូង១០០ដើម បេង៨០ដើម និងធ្នង់៤០ដើម។
ផ្តល់កូនឈើជូនអ្នកស្រី ឆោម កញ្ញា ប្រជាពលរដ្ឋរស់នៅខេត្តសៀមរាប ចំនួន៣០ដើម ដើម្បីយកទៅដាំនៅលើដីទំនេរផ្ទាល់ខ្លួន ស្ថិតនៅភូមិស្វាយព្រៃ សង្កាត់ស្វាយដង្គំ ក្រុងសៀមរាប ខេត្តសៀមរាប។ កូនឈើទាំងនោះរួមមាន គ្រញូង១០ដើម ធ្នង់១០ដើម បេង៥ដើម និងច្រេស៥ដើម។
ផ្តល់កូនឈើជូនអ្នកស្រី សរ ធារី ប្រជាពលរដ្ឋរស់នៅខេត្តសៀមរាប ចំនួន១៥០ដើម ដើម្បីយកទៅដាំនៅដីទំនេរផ្ទាល់ខ្លួន ស្ថិតនៅភូមិព្រៃខ្នុរ ឃុំស្រែណូយ ស្រុកវ៉ារិន ខេត្តសៀមរាប។ កូនឈើទាំងនោះរួមមាន គគីរ៥០ដើម កកោះ៥០ដើម និងឈើទាល៥០ដើម។