ថ្នាក់ដឹកនាំខេត្តបាត់ដំបង និងប្រជាពលរដ្ឋប្រារព្ធពិធីបុណ្យវិសាខបូជា នៅបរិវេណវត្តពោធិ៍វាល ក្រុងបាត់ដំបង
ថ្នាក់ដឹកនាំខេត្តបាត់ដំបង និងប្រជាពលរដ្ឋប្រារព្ធពិធីបុណ្យវិសាខបូជា នៅបរិវេណវត្តពោធិ៍វាល ក្រុងបាត់ដំបង
ថ្នាក់ដឹកនាំខេត្តបាត់ដំបង និងប្រជាពលរដ្ឋប្រារព្ធពិធីបុណ្យវិសាខបូជា នៅបរិវេណវត្តពោធិ៍វាល ក្រុងបាត់ដំបង
ថ្នាក់ដឹកនាំខេត្តបាត់ដំបង និងប្រជាពលរដ្ឋប្រារព្ធពិធីបុណ្យវិសាខបូជា នៅបរិវេណវត្តពោធិ៍វាល ក្រុងបាត់ដំបងបាត់ដំបង៖ ព្រឹកថ្ងៃអាទិត្យ ១៥កើត ខែពិសាខ ឆ្នាំច សំរឹទ្ធិស័ក ព.ស ២៥៦១ ត្រូវនឹងថ្ងៃទី ២៩ ខែមេសា ឆ្នាំ២០១៨ ថ្នាក់ដឹកនាំខេត្ត មន្ត្រីរាជការ កងកម្លាំងប្រដាប់អាវុធ បងប្អូនប្រជាពលរដ្ឋពុទ្ធបរិស័ទ ព្រមទាំង លោកគ្រូ អ្នកគ្រូ សិស្សានុសិស្ស យ៉ាងច្រើនកុះករបានអញ្ជើញចូលរួម ក្នុងពិធីបុណ្យវិសាខបូជា នៅបរិវេណវត្តពោធិ៍វាល ក្រុងបាត់ដំបង ។
ថ្ងៃសីល១៥កើត ខែពិសាខ ពស២៥៦១ ដែលត្រូវនឹងថ្ងៃទី ២៩ មេសា ២០១៨នេះ គឺជាថ្ងៃបុណ្យវិសាខបូជានេះ មិនថាតែនៅកម្ពុជាទេ គឺពុទ្ធសាសនិកជនទូទាំងពិភពលោកក៏បាននាំគ្នាប្រារព្ធពិធីបុណ្យសាសនាដ៏សំខាន់ខាងលើនេះផងដែរ។
បុណ្យវិសាខបូជា គឺជាពិធីបុណ្យសាសនាដ៏សំខាន់បំផុត ក្នុងចំណោមបុណ្យសាសនាដទៃៗទៀត ពីព្រោះពិធីបុណ្យនេះ គឺបានបង្ហាញនូវការគោរពរំឭកនឹកដល់ព្រឹត្តិការណ៍ធំៗបី នៃសម័យកាលរបស់ព្រះសម្មា សម្ពុទ្ធសមណគោតម គឺថ្ងៃដែលព្រះអង្គទ្រង់បានប្រសូត បានត្រាស់ដឹង និងជាថ្ងៃចូលបរិនិព្វានផងដែរ។ ព្រឹត្តិការណ៍ទាំងបីនេះគឺកើតឡើងចំថ្ងៃ ១៥កើត ខែពេញបូណ៌មី ដែលមានព្រះច័ន្ទពេញវង់ ក្នុងខែពិសាខដូចគ្នាខុសតែឆ្នាំតែប៉ុណ្ណោះ។
នៅថ្ងៃទី ១៥ ខែធ្នូ ឆ្នាំ ១៩៩៩ អង្គការសហប្រជាជាតិ (UN) ក៏បានប្រកាសទទួលស្គាល់ «វិសាខបូជា» ជាពិធីបុណ្យសាសនាអន្តរជាតិ ដែលបុគ្គលិកធ្វើការ និងសាធារណៈជនអាចប្រារព្ធធ្វើបាននៅទូទាំងពិភពលោកទៀតផង៕
