ខ្មែរប៉ុស្ដិ៍ Close

លោក សោម សូរីដា អគ្គ​លេខាធិការ គ.ជ.ប បាន​បញ្ជាក់​ថា អាសនៈចំនួន១១ ដែលសេសសល់ពីគណបក្ស២មិនទទួលយក នឹងធ្លាក់ទៅលើគណបក្សប្រជាជនកម្ពុជា

ដោយ៖ ព្រហ្ម សុវណ្ណ ​​ | ថ្ងៃសៅរ៍ ទី២៥ ខែវិច្ឆិកា ឆ្នាំ២០១៧ ព័ត៌មានទូទៅ 910
លោក សោម សូរីដា អគ្គ​លេខាធិការ គ.ជ.ប បាន​បញ្ជាក់​ថា អាសនៈចំនួន១១ ដែលសេសសល់ពីគណបក្ស២មិនទទួលយក នឹងធ្លាក់ទៅលើគណបក្សប្រជាជនកម្ពុជាលោក សោម សូរីដា អគ្គ​លេខាធិការ គ.ជ.ប បាន​បញ្ជាក់​ថា អាសនៈចំនួន១១ ដែលសេសសល់ពីគណបក្ស២មិនទទួលយក នឹងធ្លាក់ទៅលើគណបក្សប្រជាជនកម្ពុជា

ផ្អែកតាមរូបមន្តច្បាប់ និងសំឡេងឆ្នោតបានការណ៍ នៅតាមមណ្ឌលខេត្តនៃអាសនៈចំនួន១១ ដែលសេសសល់ពីគណបក្សសម្ព័ន្ធដើម្បីប្រជាធិបតេយ្យ និងគណបក្សខ្មែរឈប់ក្រ ដែលប្រកាសមិនទទួលយកនោះ អាសនៈទំនេរទាំង១១នេះ អាចនឹងធ្លាក់លើគណបក្សប្រជាជនកម្ពុជា ដែលជាគណបក្ស ដែលមានសំឡេងច្រើនលើសលុប នៅតាមមណ្ឌលទាំងនោះ។

លោក សោម សូរីដា អគ្គលេខាធិការរងគ.ជ.ប បានបញ្ជាក់ប្រាប់ឲ្យ​ដឹង​នៅ​ថ្ងៃទី២៥ ខែវិច្ឆិកា ឆ្នាំ២០១៧នេះថា អាសនៈរដ្ឋសភាចំនួន១១ ដែលគណបក្សខ្មែរឈប់ក្រ និងគណបក្សសម្ព័ន្ធដើម្បីប្រជាធិបតេយ្យ ប្រកាសមិនទទួលយកនោះមាននៅក្នុងមណ្ឌលរាជធានីខេត្តចំនួន៥ ក្នុងនោះមានបាត់ដំបង ១អាសនៈ, កំពង់ចាម៣អាសនៈ, កណ្តាល៣អាសនៈ, ភ្នំពេញ៣អាសនៈ និងព្រៃវែង១អាសនៈ។

លោកបានបន្តថា បើផ្អែកតាមសំឡេងសន្លឹកឆ្នោតបានការ ក្នុងចំណោមគណបក្ស៤ដែលអាចទទួលបានអាសនៈពីការបែងចែកជុំទី២នេះ គឺគណបក្សប្រជាជនកម្ពុជាមានសំឡេងច្រើនលើសលុប ឯគណបក្សផ្សេងៗទៀតមានតិចតួចប៉ុណ្ណោះ ដូច្នេះការគណនាបឋមបង្ហាញថា អាសនៈទាំងអស់នោះ អាចនឹងបានទៅលើគណបក្សប្រជាជនកម្ពុជា។

លោក សោម សូរីដា បានបញ្ជាក់យ៉ាងដូច្នេះថា៖ «ការបែងចែកអាសនៈ១១នេះ គឺបែងទៅតាមមណ្ឌលបោះឆ្នោតពាក់ព័ន្ធ។ អញ្ចឹងបើមើលទៅតាម សន្លឹកឆ្នោតបានការរបស់គណបក្សដែលត្រូវទទួលការបែងចែកអាសនៈនោះ គឺគណបក្សប្រជាជនកម្ពុជា មានចំនួនសន្លឹកឆ្នោតច្រើនមែនទែន រហូតដល់ជាង២សែនសំឡេង កន្លែងខ្លះ៣សែន ជិត៤សែនឯណោះ អញ្ចឹងយើងអាចដឹងហើយថា លទ្ធផលនៃការបែងចែកអាសនៈដែលនៅទំនេរនេះ គឺបានទៅលើគណបក្សណាមួយ»។

សូមបញ្ជាក់ថា គ.ជ.ប ពេលនេះ កំពុងរៀបចំបែងចែកអាសនៈរដ្ឋសភាទំនេរចំនួន១១ទៀត ដែលគណបក្សសម្ព័ន្ធដើម្បីប្រជាធិបតេយ្យ និងគណបក្សខ្មែរឈប់ក្រ ប្រកាសមិនទទួលយកពីការបែងចែកនៅតង់ទី១។ ការបែងចែកតង់ទី២នេះ បានធ្វើឡើងបន្ទាប់ពីគ.ជ.ប រៀបចំបែងចែកអាសនៈទំនេរចំនួន៤៤ ឱ្យគណបក្សនយោបាយចំនួន៣ រួចរាល់ ហើយបេក្ខជនតំណាងរាស្រ្ត៤៤រូប ដែលទៅកាន់អាសនៈទំនេរ៤៤នោះ នឹងត្រូវប្រកាសសុពលភាពនៅដើមសប្តាហ៍ក្រោយនេះ៕