សម្តេចតេជោ ហ៊ុន សែន៖ កម្ពុជានឹងមិនធ្វើសម្បទាននូវអធិបតេយ្យឬសេចក្តីថ្លៃថ្នូរបស់ខ្លួនឡើយ

សម្តេចតេជោ ហ៊ុន សែន៖ កម្ពុជានឹងមិនធ្វើសម្បទាននូវអធិបតេយ្យឬសេចក្តីថ្លៃថ្នូរបស់ខ្លួនឡើយ

នៅក្នុងសារលិខិតក្នុងឱកាសខួបទី៤៧នៃទិវាជ័យជម្នះ ៧មករា សម្តេចតេជោ ហ៊ុន សែន ប្រធានព្រឹទ្ធសភា និងជាប្រធានគណបក្សប្រជាជនកម្ពុជា បានគូសបញ្ជាក់ថា កម្ពុជាសូមបញ្ជាក់ជាថ្មីនូវការប្តេជ្ញាចិត្តយ៉ាងមុតមាំក្នុងការខិតខំដើម្បីសម្រេចនូវគោលដៅចម្បងរបស់ខ្លួនគឺការបញ្ចប់ទុក្ខវេទនារបស់ប្រជាជន ទប់ស្កាត់ការបំផ្លិចបំផ្លាញ និងបន្តដើរលើមាគ៌ាឆ្ពោះទៅរកសន្តិភាព ដំណោះស្រាយប្រកបដោយយុត្តិធម៌ និងចីរកាល ទន្ទឹមនោះ កម្ពុជានឹងមិនធ្វើសម្បទាននូវអធិបតេយ្យឬសេចក្តីថ្លៃថ្នូរបស់ខ្លួនឡើយ។

នៅក្នុងសារលិខិតដដែលនោះដែរ សម្តេចតេជោ ហ៊ុន សែន ក៏បានបញ្ជាក់ជាថ្មីថា កម្ពុជាអនុវត្តយ៉ាងខ្ជាប់ ខ្ជួននិងពេញលេញនូវបទឈប់បាញ់ថ្ងៃទី២៧ ខែធ្នូ ឆ្នាំ២០២៥ ក៏ដូចជាសេចក្តីថ្លែងការណ៍រួមទីក្រុងគូឡាឡាំពួ ថ្ងៃទី២៦ ខែតុលា ឆ្នាំ២០២៥ដើម្បីនាំយកមកវិញនូវសន្តិភាពសម្រាប់ប្រទេសទាំងពីរក៏ដូចជាដើម្បី សន្តិភាព សន្តិសុខ ស្ថិរភាព និងវិបុលភាពនៅក្នុងតំបន់៕