ក្រុមការងារសម្របសម្រួលចម្រុះ(JCTF)កម្ពុជា-ថៃលើកិច្ចការងារដោះមីនមនុស្សធម៌បានជួបប្រជុំលើកទី២ តាមប្រព័ន្ធ VTC ដោយទទួលបានលទ្ធផលជាវិជ្ជមាន

ក្រុមការងារសម្របសម្រួលចម្រុះ(JCTF)កម្ពុជា-ថៃលើកិច្ចការងារដោះមីនមនុស្សធម៌បានជួបប្រជុំលើកទី២ តាមប្រព័ន្ធ VTC ដោយទទួលបានលទ្ធផលជាវិជ្ជមាន

យោងតាមការបង្ហោះផ្សាយរបស់ក្រសួងការពារជាតិ បានឱ្យដឹងថា លោកជំទាវ ឧត្តមសេនីយ៍ឯក ម៉ាលី សុជាតា អ្នកនាំពាក្យក្រសួងការពារជាតិ នៃព្រះរាជាណាចក្រកម្ពុជា បានគូសបញ្ជាក់ថា នៅថ្ងៃទី៩ ខែតុលា ឆ្នាំ២០២៥នេះ ក្រុមការងារសម្របសម្រួលចម្រុះ(JCTF)កម្ពុជា-ថៃ លើកិច្ចការងារដោះមីនមនុស្សធម៌ បានជួបប្រជុំលើកទី២ តាមប្រព័ន្ធ VTC ដោយទទួលបានលទ្ធផលផ្លែផ្កាជាវិជ្ជមានគួរឱ្យកត់សម្គាល់។

ភាគីទាំងពីរបានឯកភាពលើចំណុចជាច្រើននៅលើសេចក្ដីព្រាងនិយាមនីតិវិធីប្រតិបត្តិ(SOP) របស់ក្រុមការងារសម្របសម្រួលចម្រុះ(JCTF)កម្ពុជា-ថៃ។ ចំពោះចំណុចនៅសេសសល់មួយចំនួនទៀត ភាគីទាំងពីរឯកភាពនឹងបន្តពិភាក្សាគ្នាបន្ថែមទៀតដើម្បីឈានទៅដល់ការសម្រេចនិយាមនីតិវិធីប្រតិបត្តិ(SOP)។ កិច្ចប្រជុំលើកទី២នេះ ត្រូវបានបញ្ចប់នៅថ្ងៃដដែល វេលាម៉ោង ១៣:២០ នាទីរសៀល៕

H.E. Lieutenant General Maly Socheata, Spokeswoman of the Ministry of National Defence of the Kingdom of Cambodia
On 9th October 2025, the second meeting of the Cambodia-Thailand Joint Coordinating Task Force (JCTF) on Humanitarian Demining was conducted via VTC, in which both sides have reached a noticeable fruitful result on numerous points of the Standard Operating Procedures (SOP) of the Cambodia-Thailand Joint Coordinating Task Force (JCTF). The remaining points will be further discussed by both sides to finalize the SOP.
This second meeting of JCTF adjourned at 13:20 pm.